Балаҕан ыйын 14 күнүгэр Чурапчы улууһун иитии эйгэтин сүрүннээччилэрэ Таатта улууһугар Д.К. Сивцев-Суорун Омоллоон төрөөбүтэ 120 сылыгар аналлаах «Д.К.Сивцев-Суорун Омоллоон — үйэлэр кирбиилэригэр норуот духуобунай сайдыытын түстээччи: учуутал, инноватор, культура реформатора, социальнай архитектор, сырдатааччы, патриот, общественник» научнай-методическай конференцияҕа кыттан кэллибит.
Улуу убайбыт төрөөбүт сиригэр, сурукка тиһиллэн номоххо кубулуйбут Хадаайы киэҥ дуолугар үктэнэн, история чахчытын кэрэһитэ — түмэлгэ уонна пааматынньыкка сибэкки дьөрбөтүн ууран, бу күн биир сырдык өйдөбүнньүк хаалларда.
Тэрээһин чэрчитинэн ыытыллыбыт «Төрүт ас түһүлгэтэ» быыстапка-куонкуруһу биһирии көрдүлэр. Манна сүрүн сорук — улуус үөрэҕин тэрилтэлэригэр оҕо күннээҕи аһылыгын менютугар өбүгэлэрбит барҕа баайдарын: эмис эти, арыылаах саламааты, балыктан ас арааһын, битэмииннээх морстары киллэрэн, кэнчээри ыччат күн аайы астына аһыыр, доруобуйатын бөҕөргөтөр усулуобуйатын тэрийии буолар.
Өбүгэ ситимэ, Боотур Уус удьуора салҕанар! Иннибит диэки, өссө үрдүктэн үрдүккэ дабайыаҕыҥ, үлэбит түмүгэ ситиһиилэннин!
Улуу убайбыт Суорун Омоллоон эппитинии: «Төрөөбүт тылгытын таптааҥ, төрөөбүт дойдугутун харыстааҥ!». Оччоҕо эрэ биһиги омук быһыытынан симэлийбэккэ, өссө үрдүккэ, өссө сырдыкка тахсыахпыт. Улуу Саарыннарбыт чаҕылхай сулус буолан куппутун-сүрбүтүн сырдатан, инникигэ эрэли саҕаллар.
Улуу убайбыт төрөөбүт сиригэр, сурукка тиһиллэн номоххо кубулуйбут Хадаайы киэҥ дуолугар үктэнэн, история чахчытын кэрэһитэ — түмэлгэ уонна пааматынньыкка сибэкки дьөрбөтүн ууран, бу күн биир сырдык өйдөбүнньүк хаалларда.
Тэрээһин чэрчитинэн ыытыллыбыт «Төрүт ас түһүлгэтэ» быыстапка-куонкуруһу биһирии көрдүлэр. Манна сүрүн сорук — улуус үөрэҕин тэрилтэлэригэр оҕо күннээҕи аһылыгын менютугар өбүгэлэрбит барҕа баайдарын: эмис эти, арыылаах саламааты, балыктан ас арааһын, битэмииннээх морстары киллэрэн, кэнчээри ыччат күн аайы астына аһыыр, доруобуйатын бөҕөргөтөр усулуобуйатын тэрийии буолар.
«Иитии-үөрэх эйгэтэ. Саарыннар суолларынан патриотизмы иитии, уйулҕа-педагогика өттүнэн хааччыйыы; оҕо сынньалаҥын тэрийии» диэн далааһыннаах былаһааккаҕа биһиги делегациябыт - Евгения Ивановна Чичигинарова, Чурапчы улууһун үөрэҕин салалтатын иитии уонна эбит үөрэхтээһин салаатын салайааччыта «Боотур Уус сыдьааннара» диэн 2023 сылтан ситиһиилээхтик үлэлиир муниципальнай бырагыраама туһунан киэн тутта билиһиннэрдэ.
Бу сыралаах үлэбит түмүгэр Чурапчы улууһун иитии уонна эбии үөрэхтээһинин салаата 3 үрдэл кыайыылаах үктэлин ыллыбыт. Бу ситиһии — Чурапчыбыт улууһун бары оскуолаларын, кэскиллээх уһуйааннарын, тохтор тойуктаах учууталларын, амарах сүрэхтээх төрөппүттэрин, ону тэҥэ күлэн мичийэр оҕолорбут, иитиллэр кэнчээри ыччаппыт сомоҕо күүстээх, ньыгыл түмсүүлээх үлэтин чаҕылхай туоһута.
Өбүгэ ситимэ, Боотур Уус удьуора салҕанар! Иннибит диэки, өссө үрдүктэн үрдүккэ дабайыаҕыҥ, үлэбит түмүгэ ситиһиилэннин!
Улуу убайбыт Суорун Омоллоон эппитинии: «Төрөөбүт тылгытын таптааҥ, төрөөбүт дойдугутун харыстааҥ!». Оччоҕо эрэ биһиги омук быһыытынан симэлийбэккэ, өссө үрдүккэ, өссө сырдыкка тахсыахпыт. Улуу Саарыннарбыт чаҕылхай сулус буолан куппутун-сүрбүтүн сырдатан, инникигэ эрэли саҕаллар.