Бүгүн уһуйааммытыгар Аҕам саастаах дьон аан дойдутааҕы күннэригэр аналлаах «Эбэм, эһэм маллара» диэн быыстапка тэрилиннэ. Бу тэрээһин сүрүн сыала — кырдьаҕастарга ытыктабылы иҥэрии, өбүгэ үгэһин уонна олоҕун-дьаһаҕын билиһиннэрии.
Быыстапкаҕа эбэлэрбит уонна эһэлэрбит урукку кэмҥэ тутта сылдьыбыт маллара, иһиттэрэ, илии оҥоһуктара, оонньообут оонньуурдара уонна таҥастара уурулуннулар. Оҕолор хас биирдии мал туһунан сэргээн иһиттилэр, бэйэлэрин эбэлэрин, эһэлэрин туһунан киэн тутта кэпсээтилэр.