100 сыл үөрэх сырдыгын тарҕатан
Сахабыт сирин кэрэ сирин – ытык Тэйэр Хайа тэллэҕэр, кырылас кумахтаах Амма өрүс кытылыгар турар киэҥ-куоҥ сирдээх-уоттаах, туруу үлэһит, үөрэхтээх, айылҕаттан талааннаах дьонунан аатырбыт Мырыла, история кэрчигэр үөрэх кыһатын үйэлээх суолун-ииһин, сайдыытын үөрүүлээхтик бэлиэтээтэ. Манна Саха сиригэр автономия тэриллэн, төрөөбүт дойдубут буһууну-хатыыны ааһар кэмигэр, 1926 сыллаахха 2 группалаах начальнай оскуола аһыллан Илья Кириллович Пинигин үлэлиэҕиттэн үөрэх кыһата бэйэтин уһун сыллаах историята саҕаламмыта.
Күн бүгүн П.М. Васильев аатынан Соловьев орто оскуолата улууска ураты суоллаах-иистээх, сайдыыга туһуламмыт иитии-үөрэтии үлэтин бииргэ тутан тэрийэр үөрэх кыһатынан биллэр. Тыа сирин дьоно түөлбэлээн олорор нэһилиэгэ сайдарыгар, олоҕу кытта тэҥҥэ хардыылыырыгар оскуола төһүү күүс буола сылдьарын астына, киэн тутта бэлиэтиибит.
Үөрүүлээх тэрээһиҥҥэ СӨ Үөрэҕин уонна наукатын миниистирин бастакы солбуйааччы Ньургун Михайлович Павлов, улуус баһылыгын социальнай боппуруостарга солбуйааччы Мария Филипповна Кронникова, Чурапчы улууһун депутаттарын Сэбиэтин бэрэсэдээтэлэ Яков Павлович Оконешников, улуус үөрэҕин салалтатын начальнига Юрий Павлович Посельскай кыттыыны ыллылар, 100 - сыллаах өрөгөйдөөх үбүлүөйүнэн оскуола коллективын, ветераннарын, үөрэнээччилэрин уонна төрөппүттэрин итиитик-истиҥник эҕэрдэлээтилэр, ситиһиилээх үлэлээх педагогтарга, үлэһиттэргэ наҕыраадалары туттардылар.
Үбүлүөйдээх тэрээһин үөрүүлээх, долгутуулаах түгэннэринэн баай буолла. Оскуола выпускниктара, араас сылларга үөрэнэн ааспыт көлүөнэлэр биир сомоҕо буолан, бэйэлэрин учууталларыгар, үөрэммит кыһаларыгар махталларын биллэрдилэр, ахтылҕаннаах оҕо саастарын эргитэ санаан, ирэ-хоро сэһэргэстилэр.
100 сыл диэн — бу оскуола эрэ историята буолбатах, бу — бүтүн нэһилиэк, көлүөнэлэр ситимнэрэ, норуот духуобунай, култуурунай сайдыытын биир чаҕылхай кэрчигэ. Инникигэ эрэллээх үөрэх-билии кыһатыгар саҥа саҕахтары, үрдүк дабайыылары, кэнчээри ыччаппыт туһугар өссө да үгүс ситиһиилэри баҕарабыт.
Сахабыт сирин кэрэ сирин – ытык Тэйэр Хайа тэллэҕэр, кырылас кумахтаах Амма өрүс кытылыгар турар киэҥ-куоҥ сирдээх-уоттаах, туруу үлэһит, үөрэхтээх, айылҕаттан талааннаах дьонунан аатырбыт Мырыла, история кэрчигэр үөрэх кыһатын үйэлээх суолун-ииһин, сайдыытын үөрүүлээхтик бэлиэтээтэ. Манна Саха сиригэр автономия тэриллэн, төрөөбүт дойдубут буһууну-хатыыны ааһар кэмигэр, 1926 сыллаахха 2 группалаах начальнай оскуола аһыллан Илья Кириллович Пинигин үлэлиэҕиттэн үөрэх кыһата бэйэтин уһун сыллаах историята саҕаламмыта.
Күн бүгүн П.М. Васильев аатынан Соловьев орто оскуолата улууска ураты суоллаах-иистээх, сайдыыга туһуламмыт иитии-үөрэтии үлэтин бииргэ тутан тэрийэр үөрэх кыһатынан биллэр. Тыа сирин дьоно түөлбэлээн олорор нэһилиэгэ сайдарыгар, олоҕу кытта тэҥҥэ хардыылыырыгар оскуола төһүү күүс буола сылдьарын астына, киэн тутта бэлиэтиибит.
Үөрүүлээх тэрээһиҥҥэ СӨ Үөрэҕин уонна наукатын миниистирин бастакы солбуйааччы Ньургун Михайлович Павлов, улуус баһылыгын социальнай боппуруостарга солбуйааччы Мария Филипповна Кронникова, Чурапчы улууһун депутаттарын Сэбиэтин бэрэсэдээтэлэ Яков Павлович Оконешников, улуус үөрэҕин салалтатын начальнига Юрий Павлович Посельскай кыттыыны ыллылар, 100 - сыллаах өрөгөйдөөх үбүлүөйүнэн оскуола коллективын, ветераннарын, үөрэнээччилэрин уонна төрөппүттэрин итиитик-истиҥник эҕэрдэлээтилэр, ситиһиилээх үлэлээх педагогтарга, үлэһиттэргэ наҕыраадалары туттардылар.
Үбүлүөйдээх тэрээһин үөрүүлээх, долгутуулаах түгэннэринэн баай буолла. Оскуола выпускниктара, араас сылларга үөрэнэн ааспыт көлүөнэлэр биир сомоҕо буолан, бэйэлэрин учууталларыгар, үөрэммит кыһаларыгар махталларын биллэрдилэр, ахтылҕаннаах оҕо саастарын эргитэ санаан, ирэ-хоро сэһэргэстилэр.
100 сыл диэн — бу оскуола эрэ историята буолбатах, бу — бүтүн нэһилиэк, көлүөнэлэр ситимнэрэ, норуот духуобунай, култуурунай сайдыытын биир чаҕылхай кэрчигэ. Инникигэ эрэллээх үөрэх-билии кыһатыгар саҥа саҕахтары, үрдүк дабайыылары, кэнчээри ыччаппыт туһугар өссө да үгүс ситиһиилэри баҕарабыт.