Саха театра

"ӨТӨХ"

БҮГҮН, АЛТЫННЬЫ 4 КҮНҮГЭР, 17:00 ЧААСТАН🎭

Режиссер Руслан Тараховскай

Киһи аар айылҕаны утары баран, бобуулаах таптал абылаҥнаах дьайыытыгар куустардаҕына, киһи-аймах оччоттон-баччаҕа диэри тутуһан кэлбит сиэрэ сиргэ тэпсиллэр. Оттон оҥоһуллубут аньыы буруйа-сэмэтэ кэҥээн-тэнийэн, сэттис көлүөнэ ыччакка тиийэ дьайар. Айылҕа суруллубутах сокуоннарын кэспит аҕа ууһа эстэр суолга туруута биир дьиэ кэргэн дьылҕатыгар көстөр.

🎫 Онлайн билиэттэр: https://iframeab-pre5643.intickets.ru/seance/75678915

⭐️ Пушкинскай каарта

🏛️ Театр каассата күн ахсын өрөбүлэ, тохтобула суох 10:00-18:00 ч. үлэлиир

☎️ Билсэр төл: 34-13-31

Ытыктабыллаах көрөөччүлэр! 🎭✨

Хас биирдии киһи олоҕор учуутал олус улахан оруолу ылар. Кини сырдыкка угуйуута, үөрэтиитэ-такайыыта, сүбэтэ-амата устар олохпут тухары өйбүтүгэр-санаабытыгар хаалан инникигэ сирдиир ✨👩🏻‍🏫👨🏻‍🏫🎓

Онтон учууталга саамай үрдүк наҕараада - үөрэнээччилэрин билиниилэрэ, төрөппүт махтала буолар🙌🏻💐

Кэлэн иһэр Учуутал күнүнэн Саха театрын аатыттан бары учууталлары, уһуйааччылары, баспытааталлары эҕэрдэлээн туран, кинилэргэ бэлэх сертификаттар атыыга тахсыбыттарын биллэрэбит🎭👏🏻

Каасса күн ахсын өрөбүлэ, тохтобула суох 10:00-18:00 үлэлиир

📲 Билсэр төл: 34-13-31, +7 (914) 273-30-68

"ӨТӨХ" АЛТЫННЬЫ 4 КҮНҮГЭР, КИЭҺЭ 17:00 ЧААСТАН 🎭✨

Испэктээкилгэ айылҕа суруллубутах сокуоннарын кэспит аҕа ууһа эстэр суолга туруута биир дьиэ кэргэн дьылҕатыгар көстөр.

"ӨТӨХ" туһунан көрөөччү санаатын истиҥ🎭👆🏻

🎫 Онлайн билиэттэр: https://iframeab-pre5643.intickets.ru/seance/75678915

🏛️ Театр каассата күн ахсын өрөбүлэ, тохтобула суох 10:00-18:00 ч. үлэлиир

☎️ Билсэр төл: 34-13-31

@sakhatheatre

Уважаемый Афанасий Иванович!

Коллектив Саха академического театра имени П. А. Ойунского от всей души поздравляет Вас с 60-летним юбилеем!👏🏻

Ваш путь в культуре - это пример истинного служения родной земле. Мы знаем Вас как человека, который глубоко понимает и чувствует природу театра, как руководителя, для которого сохранение духовного наследия народа саха является не просто словами, а ежедневной работой.

В Год культуры в Республике Саха (Якутия), объявленный Главой республики, особенно ценно осознавать, что во главе этого процесса стоит человек, искренне болеющий за развитие национального искусства. Ваши слова о том, что «культура сегодня - это фундамент идентичности», находят живой отклик в стенах нашего театра . Мы видим, как Ваша поддержка помогает якутскому театру выходить на новый уровень, сохраняя традиции и одновременно открываясь миру.

В этот знаменательный день желаем Вам крепкого здоровья, неиссякаемой энергии и мудрости. Пусть Ваша работа приносит Вам радость, а все начинания находят поддержку и признание. Мы верим, что впереди у культуры Якутии новые яркие свершения, и нам отрадно идти по этому пути вместе с Вами.

С уважением и благодарностью,
коллектив Саха академического театра имени П. А. Ойунского

🎭 «ЛООКУУТ УОННА НЬУРГУҺУН»

Алтынньы 3 күнүгэр, 17:00 ч.

“Лоокуут уонна Ньургуһун” испэктээкил бастакы оонньуута 1946 сыллаахха турбута. 10 сыл буолан баран, 1956 сыллаахха режиссер Г. Алексеев, худуоһунньук И. Винокуров көрөөччү дьүүлүгэр таһаарбыттара. Опера быһыытынан ураты хайысхалаахтык 1959 сыллаахха бу айымньыны композитор Г. Григорян, режиссердар С. Григорьев, Н. Савицкай, худуоһунньук Г. Туралысов туруорбуттара.

2001 сыллаахха испэктээкэли Герасим Васильев сүрэхтээбитэ. 24 сыл устата сүрүн оруолларга Петр Баснаев Елизавета Потапова, Айаал Аммосов Ирина Никифорова, Вячеслав уонна Айталина Лаверновтар оонньоон кэллилэр.

Онтон сарсын Саха театрын улахан сыанатыгар Лоокуут уонна Ньургуһун оруолун Петр Домотов уонна Айаана Егорова оонньуохтара👏🏻

Онлайн билиэт: https://iframeab-pre5643.intickets.ru/seance/75678780

Пушкинскай каартанан босхо сырыт

Касса күн ахсын өрөбүлэ, тохтобула суох 10:00-18:00 ч. үлэлиир

Билсэр төл: 34-13-31

«ТИЭТЭЙБИТ» — Н. Неустроев 🎭

Алтынньы 9 күнүгэр 18:00 чаастан

«Тиэтэйэн дьону күллэриэҥ» диэн нуучча өһүн хоһоонугар этиллэрин курдук, сүрүн герой ааттыын да Омуннаах Уйбаан ойоҕо өлбүт диэн сымыйа сураҕы истэн, саҥа ойох кэпсэтэ тиэтэйэр. Ол түмүгэр араас киһи сонньуйуох быһылааннара тахсаллар😂 Күлүүлээх-көрүдьүөстээх, ол быыһыгар курус да түгэннэрдээх, сүрдээх омуннаах испэктээкилгэ эһигини ыҥырабыт!

🎫Онлайн билиэттэр: https://iframeab-pre5643.intickets.ru/seance/75678919

🎭Пушкинскай каарта

🏛️Касса күн ахсын өрөбүлэ, тохтобула суох 10:00-18:00 ч. үлэлиир

☎️Билсэр төл: 34-13-31

📹 Көрөөччү видеоҕа устуута

«ТАПТАЛ» Алампа
Тыыннаах доҕуһуол 🎶

Алтынньы 8 күнүгэр, киэһэ 18:00 ч.

Испэктээкилгэ тэҥ бырааба суох дьахтар ыарахан дьылҕата көстөр.
Режиссер Руслан Тараховскай матыыбыгар Алампа хоһоонноро ырыа буолан, гитара тыыннаах доҕуһуолунан киэргэтиэхтэрэ🎭

🎫 Онлайн билиэт: https://iframeab-pre5643.intickets.ru/seance/75678917

✅ Пушкинскай каарта

🏛️ Касса күн ахсын өрөбүлэ, тохтобула суох 10:00-18:00 ч. үлэлиир

☎️ Билсэр төл: 34-13-31

🎭 «ӨТӨХ» Г. Маркес

Алтынньы 4 күнүгэр, 17:00 ч.

Испэктээкил Габриэль Гарсиа Маркес “Сүүс сыл тухары соҕотохсуйуу” диэн аатырбыт айымньытыгар олоҕурар.
Киһи аар айылҕаны утары баран, бобуулаах таптал абылаҥнаах дьайыытыгар куустардаҕына, киһи-аймах оччоттон-баччаҕа диэри тутуһан кэлбит сиэрэ сиргэ тэпсиллэр. Оттон оҥоһуллубут аньыы буруйа-сэмэтэ кэҥээн-тэнийэн, сэттис көлүөнэ ыччакка тиийэ дьайар. Айылҕа суруллубутах сокуоннарын кэспит аҕа ууһа эстэр суолга туруута биир дьиэ кэргэн дьылҕатын көрдөрүллэр.

Туруорааччы режиссер – Руслан Тараховскай

🎫 Онлайн билиэттэр: https://iframeab-pre5643.intickets.ru/seance/75678915

🏛️ Касса күн ахсын өрөбүлэ, тохтобула суох 10:00-18:00 ч. үлэлиир

☎️ Билсэр төл: 34-13-31

🎭 Саха театра оҕолору уонна төрөппүттэри «Ойуур оскуолата» испэктээкилгэ ыҥырар✨

Алтынньы 3, 4 күннэригэр 12:00 ч. Алампа саалата

Көрдөөх-нардаах, ол эрэн дириҥ ис хоһоонноох оҕо испэктээкэлигэр тыа оскуолатын үөрэнээччилэрэ көстүөхтэрэ 🐰🦊🐻🐺🦉🦌 Онуоха Мэник-Мэнигийээн диэн куобахчаан үөрэниэн баҕарбат! Ийэтин тылын истибэт, убайдардаах эдьиийдэрин кытта тыл-тылга киирсибэт, учууталын убаастаабат... Ол иһин сотору кэминэн улахан кутталга түбэһэ сыһар.
Куобахчаан туохха түбэһиэй? Кинини ким быыһыай?
Бу кэрэхсэбиллээх, кырачааннарга анаммыт туруоруу нөҥүө оҕолор саамай сүрүнү өйдүөхтэрэ: оскуолаҕа үөрэнии — хайаан да наада уонна туһалаах!
✨ Кэлиҥ, көрүҥ, үөрэххэ көҕүйүҥ!

🎫 Онлайн билиэттэр: https://iframeab-pre5643.intickets.ru/event/13208310

✅ Пушкин каартатынан босхо билиэт

🏛️Касса күн ахсын өрөбүлэ, тохтобула суох 10:00-18:00 ч. үлэлиир

☎️ Билсэр төл: 34-13-31

ℹ️ Алампа саалатыгар синхроннай тылбаас суох

«ЛООКУУТ УОННА НЬУРГУҺУН» САҤА САСТААП😍🎭

Алтынньы 3 күнэ, киэһэ 17:00 ч.

Тимофей Сметанин норуот номоҕор олоҕуран суруллубут драматыгар икки ыал олоҕо көстөр. Бу ыал оҕолоро - баай кыыһа Ньургуһун уонна дьадаҥы ыал оҕото Лоокуут бэйэ-бэйэлэрин таптаһан, бииргэ үөскээн улааппыттара. Ньургуһун аҕата кыыһын баай ыал уолугар кэргэн биэрэргэ быһаарынар…

Туруорааччы режиссер – Герасим Васильев

Сүрүн оруолларга - Петр Домотов, Айаана Егорова

Онлайн билиэт: https://iframeab-pre5643.intickets.ru/seance/75678780

✅ Пушкинскай каарта

🏛️ Касса күн ахсын өрөбүлэ, тохтобула суох 10:00-18:00 ч. үлэлиир

☎️ Билсэр төл: 34-13-31

👏🏻 Бүгүн, балаҕан ыйын 27 күнүгэр, Саха сирин олохтоохторо биир саамай суолталаах судаарыстыбаннай бырааһынньыгы - Саха Өрөспүүбүлүкэтин Судаарыстыбаннаһын күнүн бэлиэтииллэр.

1990 сыллаахха балаҕан ыйын 27 күнүгэр Михаил Николаев салайааччылаах ХХII ыҥырыылаах Үрдүкү Сэбиэт Саха Өрөспүүбүлүкэтин судаарыстыбаннай сүбэрэнитиэтин Декларациятын ылыммыта. Бу талыллыбыт суол өрөспүүбүлүкэбит бэйэтин кыаҕын таба туһанарыгар, экэниэмикэ уонна духуобунай эйгэ саҥа таһымҥа тахсарыгар олук уурбута. Бу күн биһиги сомоҕолоһуубут, төрөөбүт дойдубутугар тапталбыт уонна кэскилбитигэр эрэлбит бэлиэтэ буолар👏🏻

🎭Бу үөрүүлээх күҥҥэ Былатыан Ойуунускай аатынан Саха академическай театрын артыыстара өрөспүүбүлүкэ таһымнаах тэрээһиннэ көхтөөхтүк кытыннылар. Киин куорат сүрүн болуоссатыгар буолбут үөрүүлээх тэрээһини театр артыыстара бэйэлэрин чаҕылхай нүөмэрдэринэн, күүстээх куоластарынан киэргэттилэр.

Күндү Саха сирин олохтоохторо!

Саха театрын кэлэктиибин аатыттан эһигини бу үрдүк суолталаах бырааһынньыгынан итиитик-истиҥник эҕэрдэлиибит! Биһиги өрөспүүбүлүкэбит өссө да чэчирии турдун, хас биирдии дьиэ кэргэҥҥэ эйэ, дьол уонна этэҥҥэ буолуу олохтоннун. Уруй-айхал!

🎭👏🏻 Саха театрын сыанатыгар Улуу Дыгын: Петр Садовников үбүлүөйдээх испэктээкилэ улахан аншлагынан ааста

Бүгүн Саха Өрөспүүбүлүкэтин үтүөлээх артыыһа Петр Садовников 50 сааһын туолар бэлиэ үбүлүөйүгэр аналлаах «Дыгын Дархан» испэктээкил үрдүк таһымҥа ааста.

Бу дьоро киэһэҕэ Петр Николаевич бэйэтэ сүрүн оруолу, саха норуотун номох буолбут улуу баһылыгын Дыгын Дарханы оонньоон көрөөччүлэрин өссө төгүл сөхтөрдө. Саалаҕа толору кини сүгүрүйээччилэрэ, чугас дьоно, аймахтара уонна доҕотторо муһуннулар, тапталлаах артыыстарыгар истиҥ сыһыаннарын уонна ытыктабылларын биллэрдилэр. Көрөөччүлэр испэктээкил устата артыыһы кытта тэҥҥэ долгуйдулар, оонньуу түмүктэммитин кэннэ уһуннук тохтообот ытыс тыаһынан махтаннылар.

Испэктээкил кэннэ СӨ Култуураҕа уонна духуобунай сайдыыга министиэристибэтин бастакы солбуйааччыта Мария Турантаева, Саха театрын салалтата, Уус-Алдан улууһун дьаһалтатын бэрэстэбиитэллэрэ, үөлээннээхтэрэ эҕэрдэ тылларын эттилэр👏🏻

Үбүлүөйдээх артыыспыт өссө да элбэх ситиһиилээх оруолларынан көрөөччүлэрин үөрдэ турарыгар баҕарабыт!🎭✨

САХА ӨРӨСПҮҮБҮЛҮКЭТИН СУДААРЫСТЫБАННАҺЫН КҮНҮГЭР "ҮЙЭЛЭРИ УҤУОРДААН" 🎭

Режиссер Руслан Тараховскай

Балаҕан ыйын 27 күнүгэр, 18:00 ч.

Испэктээкил Степан Максимович Аржаков саха норуотугар сүҥкэннээх суолтатын туһунан кэпсиир. Саха норуодунай суруйааччыта Дмитрий Наумов Степан Аржаков олоҕун туһунан история чахчыларыгар, чуолаан архыып докумуоннарыгар олоҕуран, элбэх матырыйаалы үөрэтэн, пьеса суруйан дьон көрүүтүгэр таһаарбыта.

🎫 Онлайн билиэт: https://iframeab-pre5643.intickets.ru/seance/74385394

✅ Пушкинскай каарта

🏛️ Каасса күн ахсын өрөбүлэ, тохтобула суох 10:00-18:00 үлэлиир

📲 Билсэр төл: 34-13-31

🎭 САХА ТЕАТРЫН АЛТЫННЬЫТААҔЫ РЕПЕРТУАРА

Алтынньы ыйы театр сылаас эйгэтигэр көрсүөҕүҥ! Былатыан Ойуунускай аатынан Саха академическай театра эһигини умнуллубат киэһэлэргэ ыҥырар 🎭

🎫 Онлайн билиэт: https://iframeab-pre5643.intickets.ru/events

✅ Пушкинскай каарта

🏛️ Касса күн ахсын өрөбүлэ, тохтобула суох 10:00-18:00 ч. үлэлиир

☎️ Билсэр төл: 34-13-31

🎭👏🏻 Иннокентий Луковцев үбүлүөйдээх киэһэтэ үрдүк таһымҥа ааста

Бүгүн Былатыан Ойуунускай аатынан Саха академическай театрыгар ураты истиҥ дьоро киэһэ буолан ааста. Саха норуотун тапталлаах артыыһа, Саха Өрөспүүбүлүкэтин үтүөлээх артыыһа, Россия Судаарыстыбаннай бириэмийэтин лауреата Иннокентий Луковцев 50 саастаах үбүлүөйүн көрсө «Коркин. Андаҕар» испэктээкил толору саала көрөөччүлээх турда.

Бу киэһэ Иннокентий Луковцев саха норуотун чулуу тренерэ Дмитрий Петрович Коркин уобараһын итэҕэтиилээхтик арыйан, көрөөччү кутун-сүрүн тутан, театр эйгэтин ураты күүһүнэн толордо. Испэктээкил бүтүүтүгэр көрөөччүлэр өр кэмҥэ туран ытыс таһыннылар, артыыс талааныгар муҥура суох ытыктабылларын уонна тапталларын эссэ төгүл биллэрдилэр.

Үбүлүөйдээх киэһэ үөрүүлээх чааһыгар маанылаах ыалдьыттар тахсан эҕэрдэ тылларын эттилэр. СӨ Култууратын уонна духуобунай сайдыытын миниистирэ Афанасий Ноев үбүлүөйүнэн итиитик эҕэрдэлээн туран, Иннокентий Луковцев саха театральнай искусствотын сайдыытыгар киллэрбит сүүнэ кылаатын бэлиэтээтэ.

Ону таһынан, артыыс төрөөбүт дойдутуттан - Таатта улууһуттан кэлбит делегация уонна Саха сирин Театральнай диэйэтэллэрин сойууһун, Сахабыт театрын бэрэстэбиитэллэрэ истиҥ эҕэрдэлэрин, махталлтарын тиэртилэр. Кинилэр Иннокентий Луковцев айар үлэтин үрдүк таһымын уонна кини хас биирдии оруола норуот өйүгэр-санаатыгар дириҥник иҥэрин тоһоҕолоон эттилэр.

Санатабыт, сарсын, балаҕан ыйын 24 күнүгэр 18:00 чаастан, Иннокентий Луковцев аатырбыт «Наара суох» кэмиэдьийэтигэр оонньуоҕа🎭

🎫 Онлайн билиэт: https://iframeab-pre5643.intickets.ru/seance/74384833

✨ Пушкинскай каарта

🏛️ Каасса күн ахсын өрөбүлэ, тохтобула суох 10:00-18:00 үлэлиир

📲 Билсэр төл: 34-13-31

Бүгүн СӨ үтүөлээх артыыһа, РФ судаарыстыбаннай бириэмийэтин лауреата Иннокентий Луковцев 50 сааһын туолар үбүлүөйдээх күнэ 👏🏻🎭

Күндү-мааны Иннокентий Егорович!
 
Орто дойдуга уол оҕо буолан
Ортоҕунан курданан
Олоххор бастакы үбүлүөйдээх күҥҥүнэн
Сахаҥ театрын бары дьоно
Истиҥ иһирэх эҕэрдэбитин эттэхпит буоллун!
 
Талыы Таатта Баайаҕатын
Бастыҥ дьонун утумнаан,
Талба талааҥҥын таба тутан
Театры кытары олоххун ситимнээтиҥ.
Эдэркээн сүүрбэлээх саастаргар
Улуу Шекспир Илиир Хоруолугар
Көрдөөх Көкөт оруолун
Итэҕэтиилээхтик арыйан,
Көрөөччү сүрэҕин, дууһатын таарыйан
Бүтүн Арассыыйа үрдүнэн
Ааккын дорҕоонноохтук ааттаппытыҥ,
Судаарыстыба бириэмийэтин лауреатын
Үрдүк аатын ылбытыҥ,
Саха норуота айар куттаах ыччаттааҕын,
Кэскиллээх артыыстардааҕын кэрэһэлээбитиҥ.
 
Отут сыл тухары
Сахаҥ театрын ытык сыанатыгар
Бары көрүҥү баһылаан
Толорор оруолгун  - дьиҥнээхтии олорон,
Көрөөччүнү күллэрэн-ытатан
Ытыс хабыллар тыаһыгар
Норуотуҥ тапталын ылыан ыллыҥ.
 
Инникитин даҕаны
Үйэлээҕи айар дэгиттэр талааныҥ
Аартыктара арылла турдуннар,
Театрга тапталыҥ, идэҕэр бэринииҥ
Кэлэр көлүөнэ артыыстарга
Үтүө холобур буолуохтун!

🎭Саха театра саҥа испэктээкили бэлэмниир

Былатыан Ойуунускай аатынан Саха академическай театрыгар саҥа айар дьыл ураты тэрээһиннэринэн саҕаланна. Быйыл Саха театрын олоҕор уонна норуот историятыгар улахан суолталаах сыл — саха литературатын төрүттээччилэриттэн биирдэстэрэ, сырдатааччы, драматург Анемподист Софронов – Алампа төрөөбүтэ 140 сыла туолар. Бу бэлиэ даатаны көрсө, ону таһынан кэлэр сылга бэлиэтэниэхтээх улуу Өксөкүлээх Өлөксөй төрөөбүтэ 150 сыллаах үбүлүөйүн тэрээһиннэрин чэрчитинэн, театр коллектива саҥа испэктээкил туруоруутугар үлэтин саҕалаата.

Саҥа туруоруу төрүөтүнэн Саха народнай суруйааччыта Егор Неймохов «Алампа. Благословенные аласы» уонна «Алампа. Заложник вечности» диэн кинигэлэрэ буоллулар. Бу айымньылар Алампа уустук дьылҕатын, кини чаҕылхай талаанын уонна төрөөбүт норуотун иннигэр истиҥ тапталын арыйар дириҥ ис хоһоонноохтор.

Испэктээкил инсценировкатын Майя Власьева оҥордо. Билигин тиэкиһи ааҕыы (читка), оруоллары ырытыы үлэтэ барар. Артыыстар бу саҥа үлэни олус интэриэһиргээн, өрө көтөҕүллэн туран ылыннылар. Кинилэр бэлиэтииллэринэн, Алампа уонна Өксөкүлээх курдук улуу дьон уобарастарын арыйыы артыыска үрдүк чиэс уонна улахан эппиэтинэс буолар.

Театрбыт сыала - Саха норуотун улуу дьонун олоҕун уонна айар үлэтин кэлэр көлүөнэҕэ тиэрдии, история чахчыларын сыана нөҥүө үйэтитии буолар. Саҥа туруоруу сэтинньи ый ортотугар көрөөччү дьүүлүгэр тахсара былааннанар.

🎭 Саас-үйэ тухары умнуллубат уос номоҕо буолбут «СУОҺАЛДЬЫЙА ТОЛБОННООХ»

Балаҕан ыйын 26 күнүгэр, 18:00 ч.

“Саас-үйэ тухары умнуллубат,
Саас-үйэ тухары уостубат
Уоттаах туҥуй таптал туһунан
Уос номоҕо, тойук дуораана
Күн мөһүүрэтинии күлүмүрдээн,
Көлүөнэттэн көлүөнэҕэ тиллэн,
Тырыбынаабытынан
Тыыннаах сылдьар.
Ол кэһиллибэтэх кэс андаҕары,
Ол ыраас, сырдык тапталы
Айхаллыыр ырыа саҕаланна,
Ааспыт үйэ бодото арылынна...”

🎫 Онлайн билиэттэр: https://iframeab-pre5643.intickets.ru/seance/74384899

⭐️ Пушкинскай каарта

🏛️ Касса күн ахсын өрөбүлэ, тохтобула суох 10:00-18:00 ч. үлэлиир

☎️ Билсэр төл: 34-13-31