Болугур нэһилиэгэр Туос ураһа аһыллыбытынан!
Амма улууһун Болугур нэҺилиэгэр Мандар Уустан тирэхтэммит Туос ураҺа аҺыллар бэлиэ түгэнэ ыытылынна. Кэрэ тутуу олохтоох көҕүлээҺини өйүүр бырагыраама көмөтүнэн уонна норуот талааннаахтара айар-тутар баҕаларынан олоххо киирдэ.
Ураһа сэргэлэрин, көҥдөйүн тутуутугар Болугур нэһилиэгин тутуу маастардара Алексей Юрьевич, Михаил Юрьевич Яковлевтар салалталаах тутуу маастардара Афанасьев Иван Иванович, Михайлов Феликс Николаевич, Аянитов Октябрь Валерьевич, көмөлөһөөччүлэринэн Альберт Вырдылин, Владислав Нестеров үлэлээбиттэрэ.
Оттон ураһа туоһун таҥастааһыны, испэ, таспа туоһу тигиини Болугур нэһилиэгин «Туос Иис» иистэнньэҥ эбэлэр, салайааччы Иванова Ульяна Ивановна уонна Амматтан СӨ норуотун маастара Новикова Клавдия Алексеевна иилээн-саҕалаан үлэлэттилэр. Бу курдук «Туос ураһа» үлэтигэр нэһилиэк олохтоохторо, түмсүүлэр, тэрилтэлэрэ, түөлбэ олохтоохторо бука бары биир сыаллаах үлэни олоххо киллэрдилэр.
Нэһилиэк иистэнньэҥнэрэ Таатта Баайаҕатын «Моҕол ураһа» тутуутугар күүс-көмө буолбуттара, баай уопуту ылбыттара. Баайаҕа нэһилиэгин иистэнньэҥнэрэ Туос ураһаҕа «Хаппахчы» тигэн, үйэлээх үтүө үлэҕэ бэйэлэрин кылааттарын киллэристилэр.
Бу улахан тутуу нэһилиэк олохтоохторо биир санаанан үс сыл тухары үлэлэһэн кэлбит кыайыылара буолар. Онон барыгытыгар махтанан туран, кэскиллээх үлэҕитигэр ситиһиилэри баҕарабын. Туос ураһа дьон-сэргэ сөбүлээн сылдьар сирэ буолуохтун!
Афанасий Ноев
Амма улууһун Болугур нэҺилиэгэр Мандар Уустан тирэхтэммит Туос ураҺа аҺыллар бэлиэ түгэнэ ыытылынна. Кэрэ тутуу олохтоох көҕүлээҺини өйүүр бырагыраама көмөтүнэн уонна норуот талааннаахтара айар-тутар баҕаларынан олоххо киирдэ.
Ураһа сэргэлэрин, көҥдөйүн тутуутугар Болугур нэһилиэгин тутуу маастардара Алексей Юрьевич, Михаил Юрьевич Яковлевтар салалталаах тутуу маастардара Афанасьев Иван Иванович, Михайлов Феликс Николаевич, Аянитов Октябрь Валерьевич, көмөлөһөөччүлэринэн Альберт Вырдылин, Владислав Нестеров үлэлээбиттэрэ.
Оттон ураһа туоһун таҥастааһыны, испэ, таспа туоһу тигиини Болугур нэһилиэгин «Туос Иис» иистэнньэҥ эбэлэр, салайааччы Иванова Ульяна Ивановна уонна Амматтан СӨ норуотун маастара Новикова Клавдия Алексеевна иилээн-саҕалаан үлэлэттилэр. Бу курдук «Туос ураһа» үлэтигэр нэһилиэк олохтоохторо, түмсүүлэр, тэрилтэлэрэ, түөлбэ олохтоохторо бука бары биир сыаллаах үлэни олоххо киллэрдилэр.
Нэһилиэк иистэнньэҥнэрэ Таатта Баайаҕатын «Моҕол ураһа» тутуутугар күүс-көмө буолбуттара, баай уопуту ылбыттара. Баайаҕа нэһилиэгин иистэнньэҥнэрэ Туос ураһаҕа «Хаппахчы» тигэн, үйэлээх үтүө үлэҕэ бэйэлэрин кылааттарын киллэристилэр.
Бу улахан тутуу нэһилиэк олохтоохторо биир санаанан үс сыл тухары үлэлэһэн кэлбит кыайыылара буолар. Онон барыгытыгар махтанан туран, кэскиллээх үлэҕитигэр ситиһиилэри баҕарабын. Туос ураһа дьон-сэргэ сөбүлээн сылдьар сирэ буолуохтун!
Афанасий Ноев