Соркомов Александр Андреевич 1971 сыл алтынньы 25-с күнүгэр Муома улууһун Соболоох нэһилиэгэр күн сирин көрбүтэ. Төрөөбүт дойдутуттан оҕолорун туһугар, кинилэри үөрэттэрээри, Дьокуускай куоракка дьиэ кэргэниниин көһөн кэлээт, сахалар түөлбэлээн олорор нэһилиэктэригэр Тулагыга дьиэ атыылаһан олохсуйбуттара. 2016-2018 сылларга тапталлаах кэргэниниин иккиэн Дьокуускайдааҕы бэтэринээринэй управленияҕа үлэлээбиттэрэ, кэргэнэ Пелагея Семеновна Тулагы бэтэринээрнэй пуун сэбиэдиссэйинэн, оттон Саша УАЗ массыынаҕа суоппарынан. Александр төһө да кылгас кэмҥэ үлэлээтэр, үлэлиир кэмигэр биир эрэбиллээх үлэһит быһыытынан үрдүктүк сыаналаммыта. Бэйэтин үчүгэй хаачыстыбатын көрдөрөн, холобурга, ытыктабылга сылдьыбыта.
Кини майгытынан сымнаҕас, холку, киэҥ көҕүстээх, аһыныгас буолан, дьон киниэхэ курдаттыы тардыһара. Бу санаатахха, биирдэ даҕаны кыыһырбытын да өйдөөбөппүт. Төһө да сымнаҕаһын иһин, эппит тылыттан тахсыбат, ону тэҥэ өһөс, тугу эмэ быһаарыммыт буоллаҕына, туох да иһин уларыппат, туох да, ким да иннигэр тохтоппот этэ. Элбэх саҥата суох эрээри, кэпсээн-ипсээн бардаҕына, хайа баҕар тоҥ сүрэхтээх киһини уулларар, бэйэтигэр чугаһатар киһи киэнэ чулуута этэ.
Хоту дойду хоһуун уола Соркомов Александр Андреевич 2025 сыл алтынньы ыйга патриот санаата баһыйан, Аҕа дойду эйэлээх олоҕун, дьонун-сэргэтин көмүскүү, РФ Министиэристибэтин нөҥүө, бэйэтин баҕатынан сөбүлэҥ түhэрсэн Аҕа дойду көмүскэлигэр аттаммыта уонна 2026 сыл тохсунньу ый 5 күнүгэр Аҕа дойдутун көмүскүү сылдьан сырдык тыына быстыбыта.
Анал байыаннай дьайыыга эйэлээх олох иһин сырдык тыынын толук уурбут, «Жуков», «За укрепление боевого содружества», «Участник специальнойвоенной операции» мэтээллэр кавалердара, бииргэ үлэлээбит доҕорбут Соркомов Александр Андреевич чугас дьонугар, тапталлаах кэргэнигэр, биир идэлээхпитигэр Пелагея Семеновнаҕа, оҕолоругар, аймах-билэ дьонугар, доҕотторугар Дьокуускай куорат бэтэринээринэй Управлениятын коллективын уонна профкомун аатыттан дириҥ кутурҕаммытын тиэрдэбит.
Дьокуускай куорат бэтэринээринэй управлениятын үлэһит-хоһуун дьоно хорсун буойуну Александр Андреевич Соркомовы өрүү саныаҕа, киэн туттуоҕа, махтаныаҕа.
Дьокуускай куорат, балаҕан ыйа 2026 сыл
Кини майгытынан сымнаҕас, холку, киэҥ көҕүстээх, аһыныгас буолан, дьон киниэхэ курдаттыы тардыһара. Бу санаатахха, биирдэ даҕаны кыыһырбытын да өйдөөбөппүт. Төһө да сымнаҕаһын иһин, эппит тылыттан тахсыбат, ону тэҥэ өһөс, тугу эмэ быһаарыммыт буоллаҕына, туох да иһин уларыппат, туох да, ким да иннигэр тохтоппот этэ. Элбэх саҥата суох эрээри, кэпсээн-ипсээн бардаҕына, хайа баҕар тоҥ сүрэхтээх киһини уулларар, бэйэтигэр чугаһатар киһи киэнэ чулуута этэ.
Хоту дойду хоһуун уола Соркомов Александр Андреевич 2025 сыл алтынньы ыйга патриот санаата баһыйан, Аҕа дойду эйэлээх олоҕун, дьонун-сэргэтин көмүскүү, РФ Министиэристибэтин нөҥүө, бэйэтин баҕатынан сөбүлэҥ түhэрсэн Аҕа дойду көмүскэлигэр аттаммыта уонна 2026 сыл тохсунньу ый 5 күнүгэр Аҕа дойдутун көмүскүү сылдьан сырдык тыына быстыбыта.
Анал байыаннай дьайыыга эйэлээх олох иһин сырдык тыынын толук уурбут, «Жуков», «За укрепление боевого содружества», «Участник специальнойвоенной операции» мэтээллэр кавалердара, бииргэ үлэлээбит доҕорбут Соркомов Александр Андреевич чугас дьонугар, тапталлаах кэргэнигэр, биир идэлээхпитигэр Пелагея Семеновнаҕа, оҕолоругар, аймах-билэ дьонугар, доҕотторугар Дьокуускай куорат бэтэринээринэй Управлениятын коллективын уонна профкомун аатыттан дириҥ кутурҕаммытын тиэрдэбит.
Дьокуускай куорат бэтэринээринэй управлениятын үлэһит-хоһуун дьоно хорсун буойуну Александр Андреевич Соркомовы өрүү саныаҕа, киэн туттуоҕа, махтаныаҕа.
Дьокуускай куорат, балаҕан ыйа 2026 сыл