Хөрмәтле Актаныш районы балалар бакчалары мөдирләре, тәрбиячеләр һәм мәктәпкәчә белем бирү өлкәсе хезмәткәрләре!

Актаныш районы мәгариф идарәсе исеменнән сезне чын күңелдән һөнәри бәйрәмегез — Тәрбияче һәм барлык мәктәпкәчә белем бирү хезмәткәрләре көне белән тәбрик итәм!

Балачак — кеше тормышының иң җылы, иң мөһим һәм кабатланмас чоры. Нәкъ сез, хөрмәтле педагогларыбыз, нәниләребезнең күңеленә беренче игелек, дуслык һәм ватанпәрвәрлек орлыклары саласыз. Сезнең һәр көнегез балаларга карата тирән мәхәббәт, түземлек һәм сабырлык белән өретелгән. Актаныш районының һәр балалар бакчасында нәни милләттәшләребезнең үз туган телен, гореф-гадәтләрен яратып үсүендә сезнең хезмәтегез бәяләп бетергесез.

Сезгә фидакарь хезмәтегез, балаларга җан җылысы калдырганыгыз һәм һөнәрегезгә тугрылыгыгыз өчен чиксез рәхмәтебезне белдерәбез.

Йөзләрегездән беркайчан да елмаю качмасын, нәниләрегезнең уңышлары сезгә һәрвакыт илһам һәм көч бирсен! Сезгә һәм якыннарыгызга ныклы сәламәтлек, гаилә бәхете, тынычлык һәм яңа иҗади уңышлар телибез!

Бәйрәм белән сезне!
Ихтирам белән,
Актаныш районы мәгариф идарәсе