7 октябрь көнне Чөгәнә авылы клубында Актанышбаш җирлегендә яшәүче өлкәннәребез хөрмәтенә бәйрәм үткәрелде. Бу бәйрәмдә Чөгәнә башлангыч мәктәп - бакчасында укучы һәм тәрбияләнүче балалар да катнашты. Алар үзләренең изге теләкләрен матур җырлары һәм шигырьләре аша җиткерделәр. Кадерле өлкәннәребез! Сезне көзге якты бәйрәм - Халыкара өлкәннәр көне белән ихластан котлыйбыз һәм иң изге теләкләребезне юллыйбыз!Һәммәгезгә дә нык сәламәтлек, иминлек, озын гомер, күңел тынычлыгы, якын кешеләрегезнең мәхәббәтен, игътибарын һәм хөрмәтен тоеп, озак яшәвегезне телибез. Бәйрәм белән!