Тәрбияче булу – ул зур җаваплылык һәм олы мәртәбә. Балалар күңеленә җылы сүзләр, наз һәм белем салу – җиңел эш түгел. Һәр көнне сабырлык, мәхәббәт һәм иҗат белән эшләргә кирәк. Тәрбияче – ул балаларның икенче әнисе, аларның үсешендә һәм тәрбиясендә төп роль уйный торган кеше.

Хөрмәткә лаеклы коллегалар! Сезне һөнәри бәйрәмебез белән ихластан котлыйм! Сезгә ныклы сәламәтлек, күңел тынычлыгы һәм иҗади уңышлар телим!Эшегез һәрвакыт лаеклы бәяләнсен, ә йөрәгегездәге мәхәббәт уты беркайчан да сүнмәсен.

Балаларның шат авазлары, аларның ихлас елмаюлары сезгә һәркөнне илһам өстәп торсын!