Хәерле имин көннәр!
Укытучылар һәм дә мәктәп коллективына, укучыларга без - Өлкәннәр исеменнән чиксез рәхмәтебезне белдерәсем килә... Безне зурлаулары, хөрмәт итүләре бу "Өлкәннәр көне" декадасында гына димәс идем мин! "Белем бәйрәме", "Өлкәннәр көне", "Аналар көне" , Яңа ел, 8 нче март, "Соңгы кыңгырау" кебек тантаналардан, бәйрәмнәрдән дә безне игътибарсыз калдырмыйлар! Балаларның якын итеп, үз итеп кочаклаулары да - безгә - өлкәннәргә карата тәрбиянең мөһим сыйфаты бит ул!
Балалар саны әз булуга карамастан, искиткеч эчтәлекле концерт программасы әзерләгәннәр.
...Укытучыларга эшләрендә иҗади уңышлар, ныклы сәламәтлек. , гаилә бәхете, балалар бәхете телим! Укучыларга да иң изге теләкләр: исән сау авыртмыйча, программаларны тирәнтек үзләштереп, чын кеше булып үссеннәр!
...Укытучыларның биргән белемнәре тирәнтен һәм дә төпле... Моны дәлилләп исемдә калган кыз - егетләребезнең югары уку йортларын КЫЗЫЛ ДИПЛОМ белән бетерүләрен санап китү дә җитә: Миннегалиева Айгөл, Давлетшина Алисә, Габидуллина Ләйсән, Гилязетдинов Кубрат, Раимова Ильзирәләр....( Әле мин белмәгәннәре тагын бардыр)...
Өлкәннәрне хөрмәтләү - мул табын артында дәвам итте. 45 ел элек укыткан вакытларга кире кайтып, исәлекләр белән уртаклаштык!