🎉 Алфия апа, юбилеегыз котлы булсын!

Бүген Камай мәктәбе коллективы һәм укучылары Аглиева Алфия Кашап кызын зур ихтирам белән котларга килделәр.

Сез күп еллар мәктәп диварларында хезмәт иттегез, чисталык һәм тәртип сакладыгыз. Сезнең кулларыгыз белән мәктәп якты, пөхтә һәм җылы булды. Укучылар өчен дә, укытучылар өчен дә Сез һәрвакыт игътибарлы һәм хөрмәтле кеше булып калдыгыз.

Бәйрәмдә укучылар хор белән котладылар, ә укытучылар Сезгә чәчәк бәйләме һәм истәлекле бүләк тапшырдылар. Күңелдән нык сәламәтлек, озын гомер, гаилә бәхете һәм күңел тынычлыгы телибез.

Хезмәтегез өчен чын күңелдән рәхмәт! Юбилеегыз мөбарәк булсын!

#КамайМәктәбе #образованиеМенделеевск