Бүген үзәк китапханәдә өлкәннәр көне уңаеннан зур бәйрәм — китапханә эше ветераннарын хөрмәтләү тантанасы узды. Чарага үз гомерләрен китапханә эшенә багышлаган, дистәләрчә еллар дәвамында буыннарны белем нуры белән яктырткан хөрмәтле остазлар җыелды.

Аларның һәрберсе — үзе бер тарих, үзе бер тормыш дәреслеге.

Кичә җылы очрашу, хатирәләр уртаклашу һәм котлаулар белән үрелеп барды. Өлкәннәр исә үз чиратында яшь хезмәттәшләренә изге теләкләрен җиткереп, китапханә киләчәге өчен янып-көеп яшәүләрен теләделәр.