Түбән Чыршылы мәктәбендә "Россия - халыклар йорты" Бөтенроссия диктант язу булды. Россия Халыкара бердәмлеге елы кысаларындагы әлеге белем агарту акциясе Россия халыклары телләре көненә багышлана. Диктант текстлары Дагистанның һәм күпмилләтле совет әдәбятының символына әверелгән күренекле авар шагыйре Рәсүл Гамзатов әсәреннән алынган. Тексттагы юллар ике телне - рус һәм туган телнең бөеклеген күрсәтә. "Тел ул ике канат кебек. Берсе - тел, икенчесе- ана", - ди автор. Бу акция тагын бер тапкыр туган телләрне өйрәнү, белүне максат итеп куя. Мәктәп укучылары һәм укытучылары, кунаклар әлеге акциягә бик теләп кушылдылар.