Ел саен 1 октябрьдә бөтен илебез Халыкара өлкәннәр көнен билгеләп үтә. Бу бәйрәм – өлкән буынга җәмгыять тарафыннан олы хөрмәт күрсәтү. Халыкара өлкәннәр көне –олы буыныбызга тирән хөрмәт белдерү һәм намуслы хезмәтләре, зур тормыш тәҗрибәсе, игелеге, зирәклеге өчен җылы рәхмәт сүзләре әйтү өчен мөмкинлек бирә торган бәйрәм. Бәйрәмнең кайсы да җанга ял алып килә. 2 октябрь көнне Түбән Чыршылы авыл мәдәният йортында Өлкәннәр көненә багышланган бәйрәм кичәсе узды.
Бәйрәмнең тантаналы өлешендә өлкән яшьтәгеләр үз адресларына чын күңелдән озын гомер, сәламәтлек, матур, тыныч картлык, яхшы кәеф теләкләрен ишеттеләр. Талига Шамил кызы җитәкчелегендә, укучылар, өлкәннәрне котлап, бәйрәм концерты күрсәттеләр.