MXStat
MXStat
Введите текст для поиска
Расширенный поиск каналов
  • Вход на сайт
  • Каталог
    Каталог каналов Региональные подборки Поиск каналов
    Добавить канал
  • Рейтинги
    Рейтинг каналов Рейтинг публикаций
  • Аналитика
  • Поиск по публикациям [new]
  • Мониторинг Max
МАДОУ д/с "Сказка" г.Ак-Довурак

24 Oct, 15:09

Открыть в Max Поделиться

Prev Next
Уруглар садтарында шинчилел ажылдары

Школа назыны четпээн уруглар өөредир албан черлериниң башкыларының, кижизиттирикчилериниң, ада-иелериниң аразынга «Эртем болгаш технологияның 10 чылы» деп федералдыг төлевилелдиң планы ёзугаар Тыва дыл хүнүнге тураскааткан «Мээң төрээн дылым» деп республика чергелиг шинчилел ажылдарының, төлевилелдер мөөрейи болуп эрткен.

Мөөрейниң кол сорулгазы: өг-бүле кижизидилгезинде чаштарныӊ төрээн дылынга сонуургалын оттурары, деткиири база практика кырында тергиин шинчилел ажылдарын, төлевилелдерни илередип үндүрери богаш нептередири.

Ниитизи-биле кожууннардан 20 ажыл келген. Жюри кежигүннери мөөрейге келген ажылдарныӊ деӊнелин бедик деп түӊнеп, үнелээннер. Киржикчилерниӊ чоруткан ажылдарын мөөрейниӊ саавыыры ёзугаар «Тыва дылым – чоргааралым», «Өг-бүледе төрээн дыл» деп ийи номинацияга хувааган:

«Өг-бүледе төрээн дыл» деп номинацияга төлептиг болган ажылдар:

I черде – Ак-Довурак хоорайныӊ «Сказка» аттыг уруглар садыныӊ 6 харлыг киржикчизи Сарыглар Мөӊгүнай «Кажык – салгалдан салгалче дамчыыр оюн» деп ажылы-биле тиилээн. Төлевилелдиӊ киржикчилери: башкызы Кунзун С.В., кырган-авазы Сарыглар Р.М., авазы Сарыглар А.Ш., ачазы Сетчек М.А., акызы Сетчек Б.М. Мөңгүнайның ажылы-биле таныжып болур:
vk.ru/wall-217307558_8303

II черде – Мөңгүн-Тайга кожууннуң Мугур-Аксы суурунуң 5 дугаарлыг «Хамнаарак» уруглар садының 3 харлыг кижизиттирикчизи Сердип Бичеймаа «Үлегер домактар оранынче аян-чорук» деп ажылы-биле шылгараан. Төлевилелдиӊ киржикчилери: башкызы Донгак Э.В., авазы Сердип Б.Ш.

III черде – Барыын-Хемчик кожууннуң Барлык суурунуң «Салгал» аттыг уруглар садының 5 харлыг кижизиттирикчизи Монгуш Тайгана «Шай хавы – волшебный мешочек для чая: путешествие в тувинскую традицию» деп ажылы-биле ылгалып үнген. Төлевилелдиӊ киржикчилери: башкызы Күжүгет М.А., авазы Монгуш А.А.

«Кажык оюнунуң кадагалакчызы» деп тускай шаңналга төлептиг болган Бай-Тайга кожууннуң Тээли суурунуң «Аян» аттыг уруглар садының 6 харлыг киржикчизи Сендажы Айжана болган. Төлевилелдиӊ киржикчилери: башкызы Хертек А.В., ачазы Сендажы О.С., авазы Сендажы А.М.

«Тыва дылым – чоргааралым » деп номинацияга төлептиг болган ажылдар:

I черде – Кызыл хоорайның 31 дугаарлыг уруглар садының «Солнышко» аттыг школаже белеткел бөлүүнүң уруглары «Чооду Кара-Күскениң ыры болуп хуула берген шүлүктери» деп ажылы-биле тиилээн. Ук уруглар садының тыва дыл башкызы ыры апарган шүлүк бүрүзүнге беш аңгы кичээл планнарын, ада-иелерге чогаалчының дугайында викторинаны, уругларга угаан сайзырадыр «Бодунуң оюну» деп оюнну чогаадып тургускан.
Ажылдарны сонуургап болур: vk.ru/wall75992217_505
Чогаалчының ыры апарган шүлүктерин уруглар бараалгаткан. Башкызы Нончат Б.О.

II черде – Өвүр кожууннуң Хандагайты суурунуң «Хүнчүгеш» аттыг уруглар садының «Теремок» деп бөлүктүң кижизиттирикчилери «Наш родной язык, мы в поиске диалектов» деп ажылы аңгыланып көстүп келген. Төлевилелдиӊ киржикчилери:башкызы Тюлюш Х.А., бөлүктүң ада-иелери.

III черде – Улуг-Хем кожууннуң Шагаан-Арыг хоорайының 5 дугаарлыг «Бодаган» аттыг уруглар садының 6 харлыг Биче-оол Эрес «Тыва дылым – чоргааралым» деп ажылы болган. Башкызы Сарыглар М.М.

«Тыва дылды чажымдан» деп тускай шаңналга төлептиг болган Каа-Хем кожууннуң Бояровка суурунуң «Дюймовочка» аттыг уруглар садының 2-ги бичии бөлүүнүң кижизиттирикчилери болган. Төлевилелдиӊ киржикчилери: башкызы Намзырай А.С., бөлүктүң ада-иелери.

Мөөрейге идепкейлиг киришкен башкыларга, чаштарга, ада-иелерге Национал школа хөгжүдер институттуң мурнундан четтиргенивисти илереттивис. Киржикчи бүрүзү мөөрейге киришкениниң шынзылга бижиин алыр, электроннуг почталарынче чоргузар.
Номинацияларның тиилекчилеринге октябрь 28-те 14 шакта Тыва Республиканың «Алдан-Маадыр» аттыг национал музейиниң «Алдын-Дошка» деп филиалынга шаңналдарны тыпсыр. Мөөрейлерге моон-даа соңгаар идепкейлиг киржип, тыва дылывысты утпайн, салгалдарывыска дамчыдып берип чоруулуңар!

156 8
Каталог
Каталог каналов Подборки каналов Поиск каналов Добавить канал
Рейтинги
Рейтинг каналов Max Рейтинг публикаций
API
API статистики API поиска публикаций
Наши каналы
MXStat в Telegram MXStat в Max
Контакты
Написать в Max Написать в Telegram Написать на почту
Всякая всячина
Пользовательское соглашение Политика конфиденциальности Публичная оферта
Наши боты
MXAuthBot MXAnalyticsBot MXStatBot
Made by TGStat