«Халӑх ӑс-хакӑлӗ» ярӑмри кӑларӑма итлеме сӗнетпӗр

Кӑларӑма чӑваш ҫамрӑкӗсен уявӗсемпе йӑли-йӗркисене халалланӑ.

Яшсемпе хӗрсем аслисен уявӗсене яланах хутшӑннӑ. Ҫакӑн пек хутшӑнни вӗсене наци йӑли-йӗркипе паллашма, халӑх пурнӑҫне ӑнланма пулӑшнӑ, ҫынсен нушисене туйса илме май панӑ, пулӑшу аллине вӑхӑтра тӑсма вӗрентнӗ. Хресченсен ӗҫ-хӗлне пӗтӗмлетессипе ҫыхӑннӑ уявсем уйрӑмах пысӑк воспитани пӗлтерӗшлӗ пулнӑ.
Ҫамрӑксен уйрӑм уявӗсемпе йӑли-йӗркесем те пулнӑ. Шӑпах вӗсемпе ҫак каҫӑпа куҫса паллашма май пур: https://chgtrk.ru/radio/programmy/halh-s---hakl/halah-as-hakale-280926

Аудиопередачӑна Чӑваш Республикин ачасемпе çамрӑксен библиотекин специалисчӗ Эвелина Малеева Чӑваш радио ӗçченӗсемпе пӗрле хатӗрленӗ.

«Халӑх ӑс-хакӑлӗ» ярӑмри передачӑсене паллӑ ентешӗмӗр, этнопедагог, ӑсчах Геннадий Волковӑн «Чувашская народная педагогика», «Этнопедагогика» кӗнекисем тӑрӑх хатӗрленӗ.

«Халӑх ӑс-хакӑлӗ» ярӑм Чӑваш радио хумӗсем ҫинче тунтикун 7:50 сех. тухать.

#ЧРДЮБ
#Халӑх_ӑс-хакӑлӗ
#ЧӑвашРадио #РадиоЧувашии
#КультураМалойРодины
#МинкультурыЧувашии