Ғаилә ҡиммәттәрен нығытыуҙа, балаларын лайыҡлы тәрбиәләүҙәге ҡаҙаныштары өсөн күп бала тәрбиәләгән өс әсә - Яңы Усман ауылынан Йосопова Лилиә Ғәфүр ҡыҙы һәм Ырыҫҡолова Розалия Әсҡәт ҡыҙы, Байғаҙы ауылынан Псәнчина Гөлйөҙөм Шәрәфулла ҡыҙы “Әсәлек даны” миҙалына лайыҡ булдылар.
Һәр береһенең ҙур татыу ғаиләләрендә бишәр бала матур тәрбиә һәм белем алып үҫә. Үҙҙәре лә ауылдаштары, хеҙмәттәштәре араһында хөрмәт яулаған кешеләр.
Хөрмәтле Лилиә Ғәфүр ҡыҙы, Розалия Әсҡәт ҡыҙы, Гөлйөҙөм Шәрәфулла ҡыҙы! Лайыҡлы награда алыуығыҙ һәм етеп килгән Әсә көнө менән ихлас ҡотлайым! Һеҙгә һәм Һеҙҙең ғаиләгеҙгә ныҡлы һаулыҡ, бәрәкәт, изгелектәр, балаларығыҙҙың уңыштары менән гел ҡыуандырып тороуон теләйем!