10 октябрҙә Республикабыҙҙа Ҡурай көнө – Башҡортостандың иң сағыу символдарының береһенә арналған байрам билдәләнә.

Ҡурай — башҡорт халҡының тарихы һәм моңо. Бөгөн ошо бөйөк моңдо йәшәтеүсе, ҡурайҙы ҡулдарына алып, донъяға башҡорт рухын танытыусы барлыҡ ҡурайсыларыбыҙҙы байрам менән ҡотлайым! Йәш быуында ҡурайға һөйөү тәрбиәләгән, уларҙы уңыштарға илткән уҡытыусыларға һәм һәүәҫкәр ҡурайсыларға оло рәхмәтемде белдерәм.

Районыбыҙ ғорурлығы булған "Мәсемташ" халыҡ ҡурайсылар ансамблен 80 йыллыҡ юбилейы менән ҡотлайым! Киләсәктә яңы үрҙәр теләйем!

Бөрйән районы муниципаль район Хакимиәте башлығы вазифаһын башҡарыусы А. М. Ҡотошов