📌5-7 октябрҙә Башҡорт теле һәм әҙәбиәтенән онлайн олимпиада үтте. Был проект Башҡортостан Республикаһы Башлығы гранттары фонды ярҙамында тормошҡа ашырылды.
✅Олимпиадала ҡатнашыусылар өсөн өс кимәлдә онлайн-тест һорауҙар әҙерләнгәйне:
- Башланғыс кимәл - башҡорт телен башланғыс кимәлдә белеүселәр өсөн;
- Иркен аралашыусылар кимәле - башҡорт телендә иркен аралашыусылар өсөн;
- Башҡорт теленең диалекттары - башҡорт теленең диалекттары менән ҡыҙыҡһынған ҡатнашыусылар өсөн.
✅Мәктәп уҡыусылары был проектта әүҙем ҡатнашты һәм сертификаттарға эйә булды. Бына улар: 6 кластан: Дауытова Сабина, Бухарина Арина; 7 кластан: Дәүләтов Данис, Гәрәев Азат, Фазылова Әминә; 8 кластан: Бикчурин Самир, Дауытова Самира, Мустафина Лиана, Ямаева Аделиналар. Уҡыусылар араһында үҙҙәренең көстәрен өс кимәлдә лә һынап ҡараусылар булды, һәм был уларҙың башҡорт теленә булған ҡыҙыҡһыныуын һәм белемдәрен арттырыуҙа ҙур роль уйнар.
✅👍Афарин! Беҙҙең уҡыусыларыбыҙҙың тырышлығы һәм башҡорт теленә булған һөйөүе арта барһын, һәм уларҙың киләсәктә лә уңыштарға ирешеренә ышанабыҙ.