Бөгөн өлкән һәм мәктәпкә әҙерлек төркөмдәрендә иң мөһим дәүләт байрамдарының береһе - Башҡортостан Республикаһы көнөнә арналған тематик дәрес үтте.
Дәрес барышында улар республикабыҙҙың тарихы, уның гүзәл тәбиғәте, ҡала-ауылдары һәм данлыҡлы кешеләре менән танышты. Балалар ҙур ғорурлыҡ менән Башҡортостандың дәүләт символдары — Флаг, Герб һәм Гимн тураһында һөйләнеләр.
Милли башҡорт уйындары аша балалар үҙҙәренең етеҙлеген һәм берҙәмлеген күрһәтте, ҙур ғорурлыҡ менән йырҙарын башҡарҙы.
Был сара балаларҙа тыуған илгә ҡарата һөйөү, патриотик тойғолар һәм дуҫлыҡ тәрбиәләүҙә ҙур әһәмиәткә эйә. Республикабыҙ сәскә атһын, ә балаларыбыҙ һәр саҡ шулай шат күңелле, бәхетле булып үҫһендәр! 💙🤍💚