11 нче сентябрь көнне үткән Милли костюм көне – республикабызның иң матур бәйрәмнәренең берсе. Без аны 2020 елдан башлап билгелибез. Менә инде бишенче ел сентябрьнең икенче җомгасында күпмилләтле республикабыз халкы горурланып үз халыкларының костюмнарын кия. Безнең гимназиядә дә бу көнгә багышланган матур чаралар узды. Укучылар «Мин милли костюмда укыйм» акциясендә актив катнаштылар.
Бу атнада, 8 сентябрьдә, Башкортстанда беренче тапкыр Русия халыклары телләре көнен билгеләп үттек. Төрле милләт вәкилләренең бер-берсенә карата үзара ихтирамы, тынычлыкта һәм татулыкта яши белүе – Башкортстанның һәм илебезнең төп байлыгы.