Бөгөн гимназияның 5 б класы уҡыусылары синыф етәксеһе Таһирова Альмира Фуат ҡыҙы менән Учалы ерендә сәйәхәттә булды. Балалар халҡыбыҙҙың мәшһүр «Урал батыр» эпосы геройы - Урал батырға арналған монументаль һәйкәлде күреп, уның бейеклегенә һәм һынлылығына һоҡландылар.

Уҡыусылар шулай уҡ Учалы районының тарихи урындары менән таныштылар. Һәр бер иҫтәлекле урын үҙенең үткәне, хәтирәләре һәм матурлығы менән йәш быуынды әсир итте. Был сәйәхәт балаларҙың күңеленә яҡты тойғолар һалды, тыуған ергә һөйөү һәм ғорурлыҡ уятты.