✨ Бөгөн гимназиябыҙҙа "Уҡытыусылар көнө"нә арналған матур саралар үтте. Иртән ун беренселәр уҡытыусыларҙы байрам менән ҡотлап, күңелле итеп ҡаршы алдылар.
Үҙәк ваҡиға — Үҙидара көнө булды. Ун беренсе кластың ҡыҙҙары һәм егеттәре үҙҙәрен уҡытыусы, директор ролендә һынап ҡаранылар: дүшәмбе линейкаһын үткәрҙеләр, дәрестәр алып барҙылар, кластарҙа тәртип һаҡланылар. Был балаларға уҡытыусы эшенең ни тиклем ҡатмарлы һәм яуаплы икәнен үҙ тәжрибәһендә аңларға мөмкинлек бирҙе.
🎶 Дәрестәрҙән һуң байрам концерты башланды. Уҡыусылар башҡарыуында йырҙар, шиғырҙар яңғыраны, мәктәп тормошон сәхнәләштереп тә күрһәттеләр, үҙ остаздарына рәхмәт белдерҙеләр.❤ Коллегаларыбыҙҙың фиҙакәр хеҙмәте маҡтау ҡағыҙҙары менән билдәләнде:
✨Рус теле һәм әҙәбиәте уҡытыусыһы Төхвәтуллина Зинфира Вассаф ҡыҙы Белорет районы муниципаль районы Хакимиәте Башлығы Премияһы лауреаты булды һәм Башҡортостан Республикаһы Белорет районы муниципаль районы хакимиәтенең Маҡтау грамотаһы менән бүләкләнде.
✨ Директорыбыҙ Миңгәрәйева Зилә Рәхим ҡыҙы «Рәсәй Федерацияһы Мәғариф министрлығының Почет грамотаһы»на лайыҡ булды.
🎈Хөрмәтле уҡытыусылар, байрамыбыҙ ҡотло булһын! Балаларҙың күңеленә белем орлоғо һалып, уларҙы оло тормош юлына әҙерләйһегеҙ. Һеҙҙең хеҙмәтегеҙ баһалап бөткөһөҙ. Һаулыҡ, оҙон ғүмер, уңыштар һәм бәхет теләйбеҙ! 💐