Введите текст для поиска
Расширенный поиск каналов

Марий Эл Радио

@mari_el_radio
Гео и язык канала: Россия, Финский
Категория: Новости и СМИ

ЛИЙЗА МЕМНАН ДЕНЕ ПЫРЛЯ!

Связанные каналы
Гео и язык канала
Россия, Финский
Категория
Новости и СМИ
Статистика
Это ваш канал? Подтвердить права История канала
Марий Эл Радио

5 Oct, 09:07

Открыть в Max Поделиться
8
Марий Эл Радио

5 Oct, 09:07

Открыть в Max Поделиться
"Студийыште уна" программыште Провой кундем Чакмарий кыдалаш школышто марий йылме, литератур да ИКН предмет-влакым туныктышо Антонина Аркадьевна Андреева дене вашлийынна. Передачым Виктория Мамаева вӱден.

#МарийЭлРадио #СтудийыштеУна
11
Марий Эл Радио

5 Oct, 08:32

Открыть в Max Поделиться
Таче туныктышо-влакын кечышт.

Тиде кечын ме республикыште пашам ыштыше педагог, туныктымо пашан ветеранже-влакым уло кумылын саламлена. Марий Элыште тиде пайрем лӱмеш туныктышо-влакын арняшт эртаралтын. Туныктышо-влакын пашаштым мыняр-гынат куштылемдаш республикыште йочасад, школ, кокла профессионал образований тӧнеж-влакым капитально тӧрлат. Самырык педагог-влакым профессийыш кумылаҥдаш регионысо выплате уло. Республикыште, чумыр Россий семынак, «Земский туныктышо» программе илышыш пура. Тений тудын дене Марий Элыш 10 педагог пашам ышташ толын. Таче республикыште туныктышо-влакым саламлат. Меат уло кумылын саламлена.
32
Марий Эл Радио

5 Oct, 07:44

Открыть в Max Поделиться
У паша арням тӱҥалына! Поро эр!☀️

#КЕЧЫН_ФАКТШЕ
Кечышотышто - 5 октябрь. Таче шке пайремыштым туныктышо-влак палемдат.
Туныктышын пашажым утарыше, пожарный але авиадиспетчерын сомылжо дене иктӧр аклаш лиеш.
Ты профессийым утларакше ӱдырамаш-влак ойырат. Российысе туныктышо-влак гыч 84% - ӱдырамаш-влак. Туныктышын кечыжым 100 утла элыште пайремлат.

Таче шке туныктышыланда таушташ ида мондо❤️
58 3
Марий Эл Радио

4 Oct, 20:36

Открыть в Max Поделиться
116
Марий Эл Радио

4 Oct, 20:36

Открыть в Max Поделиться
"Писатель да жап" программыште Николай Егоров да тудын усталыкше нерген филологий шанче кандидат Надежда Федосеева палдара. Программым Марина Глушкова ямдылен.

#МарийЭлРадио #ПисательДаЖап
131
Марий Эл Радио

4 Oct, 10:51

Открыть в Max Поделиться
Поро кече!🫶

#КЕЧЫН_ФАКТШЕ
Те паленда? Акрет Грецийыште олма йӧратымаш символлан шотлалтын. Саска полшымо дене еҥ-влак шке чон шижмашыштым почыныт. Мутлан, каче ӱдырлан олмам кудалта, а ӱдыр кучен гын, тугеже тудо каче дене келшаш ямде улмыжым ончыктен. Тыге у йӧратымаш шочын.
181 6
Марий Эл Радио

3 Oct, 15:17

Открыть в Max Поделиться
Волжский округын школлаштыже - у оборудований.

Тудым «Молодежь и дети» нацпроект дене налыныт. Тунемме верлаште физике кабинетым у технике дене пойдареныт. Ынде формул да закон-влакым школышто тунемше-влак практикыште пеҥгыдемден кертыт. Тыге, мутлан, Помар школышто 11 классыште тунемше-влак у оборудований дене лабораторный пашам ыштеныт. Тиде базе тунемше-влаклан ОГЭ да ЕГЭ-лан ямдылалташ полша, тыгак инженер семын шонаш да ончыкылык профессийым ойыраш кумылаҥда.

Фото: vk.ru/volzhskymo
176 1
Марий Эл Радио

3 Oct, 13:39

Открыть в Max Поделиться
Республикыште илыше-влак кафе, ресторанлаште кодшо ий дечын 13% шукырак шийвундым пытареныт.

Тидым Маристат иктешлен. Тений кандаш тылзыште мемнан кундемыште илыше-влак 133 миллиард теҥгелан сатум налыныт. Тиде кодшо ий дечын таҥастарымаште - 9,2% шукырак. Утларак сатум кевыт да интернет гоч налыныт. Ярмиҥгалаште 1,6 миллиард тенгелан сатум ужаленыт, тиде чумыр налмаш гыч 1,2%. Налме сату гыч пелыже кочкыш сату, йӱыш, тыгак тамак изделий. Тидланат кодшо ий дене таҥастарымаште 8,4% шукырак оксам еҥ-влак пытареныт. Кафе, ресторан да столовыйлашке еҥ-влак 13 миллиардым конденыт. Тиде кодшо ий дене таҥастараш гын - 13% шукырак.
153
Марий Эл Радио

3 Oct, 11:04

Открыть в Max Поделиться
Марий Эл гыч туныктышо Российын 10 эн сай туныктышо радамыште.

Новый Уренгой олаште профессионал образований системыште тыршыше педагог-влак коклаште «Мастер года» конкурсым иктешлат. Тудо «Молодежь и дети» нацпроектын «Профессиналитет» программыже дене эртаралтеш. Марий Эл гыч тений тушко Йошкар-Оласе строительный техникум гыч англичан йылмым туныктышо Евгения Сергеевна Бахтина каен. Конкурсышто кок таҥасымаш лийын: туныктымо кейс да урок. Марий Эл гыч педагог 10 финалист радамыш лектын, ынде тушто «Влюбить в профессию» таҥасымашыште школышто тунемше, студент, эксперт-влаклан педагогикыш корно, профессийын ойыртемже нерген каласкалышаш. Марий Элын вуйлатышыже Юрий Зайцев Евгения Сергеевналан сеҥымашым да пашаштыже у кӱкшытым тыланен.
152 5
Марий Эл Радио

3 Oct, 10:41

Открыть в Max Поделиться
Поро кече, йолташ-влак!👋

#КЕЧЫН_ФАКТШЕ
Кокла шотан пылын нелытше - 500 тонн. А те тидым паленда?🧐
143
Марий Эл Радио

3 Oct, 10:04

Открыть в Max Поделиться
150
Марий Эл Радио

3 Oct, 10:04

Открыть в Max Поделиться
"Марий йӱла" программыште район-влак дене кылым ыштенна. Вӱдышӧ - Марина Глушкова.

#МарийЭлРадио #МарийЙӱла
146
Марий Эл Радио

3 Oct, 09:22

Открыть в Max Поделиться
Рӱдолаште «Мичуринец» сад товариществыш газым пуртеныт.

Тиде паша догазификаций программе дене шукталтеш. Тидлан 3,6 километр кужытан газораспределительный сетьым чоҥеныт. Сад оза-влак дечын догазификаций дене 50 йодмаш пурен. Ик эн ончыч СВО участникын пӧртышкыжӧ канде тул толын. Догазификаций программе пӧрт участке марте газым яра пурташ полша. Тидын дене пырля южо категорий граждан-влаклан участке кӧргыштӧ, тыгак пӧрт кӧргӧ коммуникаций дене пашам шукташ, оборудованийым налаш субсидий ойыралтын кертеш. Марий Элыште тиде программе дене пашам шуктымо жапыште 11 сад товариществыш газым пурташ лиеш.
185
Марий Эл Радио

2 Oct, 15:14

Открыть в Max Поделиться
Марий Эл гыч школ директор «Идалыкын директоржо 2026» Россий конкурсышто лауреат лийын.

Туныктыш да шанче министерстве Юрино районысо Марьино школын директоржо Татьяна Дружининан конкурсышто усталыкым ончыктымыжым кӱкшын аклен. Профессионал таҥасымаш Иркутскышто лийын. Тудо «Молодёжь и дети» нацпроект дене эртаралтеш. Конкурс школ вуйлатыше, нунын пашаштым аклаш, у йӧн-влакым кучылтмым пален налаш полша. Татьяна Дружинина ВТБ банк дечын сперцпризын лауреатше лийын.
212 5
Марий Эл Радио

2 Oct, 14:02

Открыть в Max Поделиться
СВО ветеранлан автомашинам пуэныт.

«Защитники Отчества» фонд элыште СВО-н ветеранже, инвалид-влаклан чылаже 500 наре машинам налаш полшен. Республикыште кид дене виктарыме нылымше автомашинам пуэныт. «Защитники Отчества» фондын регионысо филиалын вуйлатышыже Ренат Магсумов палдарен, тазалык дене эмганыше-влаклан тыгай транспорт моткоч кӱлеш. Сын ден тудо моло транспорт дечын огеш ойыртемалт, тыгодым тудым кид дене виктарыман. Тидын дене пырля организаций воин-влаклан реабилитацийлан моло средствым, протезым, адаптивный вургемым, тренажер-влакым ойыраш полша, тыгак илыме верым йӧнештарат.

Фото: vk.ru/fondzo12
161 1
Марий Эл Радио

2 Oct, 13:31

Открыть в Max Поделиться
У Торъял кундемысе Тошто Торъял селаште тиде кундем гыч СВО-ш шке сарзе порысыштым шукташ кайыше, сӧй пасуэш вуйыштым пыштыше марий патыр-влакым шарнаш 29 сентябрьыште мемориалым почыныт.

Мероприятийым почмаште вуйлытыше, сӧйлаште лийше ветеран-влак, вуйым пыштыше патыр-влакын родо-тукымышт да молат ойленыт, тунемше-влак вуйыштым савеныт.
Селаште тыгай мемориалым почаш ойым инициативный тӱшка ыштен. Тыште Эльвира Чулкова ден Николай Широбоковын надырыштым палемдыман. Стеле-влаклан, нуным кузе вераҥдымылан проектым Николай Ивановичак ыштен. Шийвундат шагал огыл кӱлын – кок миллион утларак теҥге каен. Тыште бюджет оксамат, калык деч погымымат кучылтмо. У мемориалым Кугу Отечественный сар годсо герой-влак лӱмеш улшо шарныктыш воктенак вераҥдыме. Тидын нерген «Марий Эл» газет воза.

Фото: vk.ru/gazeta_mari_el
148
Марий Эл Радио

2 Oct, 12:04

Открыть в Max Поделиться
Марий Элыште 68,4 тӱжем тонн пареҥгым, 43,5 тӱжем тонн пакчасаскам поген налме.

Тидын нерген ялозанлык да кочкыш сату министерстве палдара. Арня тӱҥалтышлан чумыр кумдык гыч 95 процент пырчым поген налыныт. Эн ончыч Звенигово, Морко район-влакын, У Торъял округ уржа-сорлам мучашленыт. Чумыржо 336,2 тӱжем тонн киндым шийыныт. Эн сай лектыш Медведево районышто, тыште ик гектар гыч 39,5 центнер дене поген налыныт. Кокияш шурным 43,5 тӱжем гектарыш ӱдымӧ, планым 106 процентлан темыме. Ынде озанлык да фермер-влак пареҥге ден пакчасаскам кораҥдат. Пареҥгым лу районышто 3,2 тӱжем гектарыш шынденыт, тышечын 68 процентше гыч лукмо. Пакчасаскам кандаш районышто 2,2 тӱжем гектарыш шынденыт, 65 процентшым поген налыныт.
147 1
Марий Эл Радио

2 Oct, 11:38

Открыть в Max Поделиться
Марий Эл гыч механизатор Россий конкурсышто регионын чапшым арала.

Таҥасымаш Тамбов олаште эртаралтеш. Тушко Российын 21 регионжо гыч специалист-влак чумыргеныт. Эн самырык – 23 ияш, эн опытан – 61 ияш. Конкурс «Кадры» нацпроектын «Человек труда» федерал проект дене эртаралтеш. Марий Эл гыч федерал этапыш Вятский аграрно-строительный техникум гыч Эдуард Сурков каен. Сеҥышылан тӱҥ приз – 1 миллион тенге, кокымшо вер дене палемдалтшылан – 500 тӱжем, кумшо верлан – 300 тӱжем теҥге.
139
Марий Эл Радио

2 Oct, 10:09

Открыть в Max Поделиться
Каныш кечылаште республикыште йӱкшемда.

Эртыше кечыште верын-верын йӱр лийын, южо районышто кӱдырчӧ йӱкат шоктен. Южын температурыжо тиде кечылаште 10-12 градус дечын шокшо огеш лий. Таче да каныш кечылаште республикыште юалге лиеш, южын температурыжо нормо дечын 3-4 градуслан йӱштырак, йӱдым 0 гыч 5 градус марте, кечывалым 6 гыч 9 градус марте. Урал кундем гыч толшо циклонлан кӧра шуматкечын верын-верын южо районышто ночко лум лумын кертеш. Мардеж йӱдвел могырым секундышто 7 гыч 12 метр марте писылык дене пуалеш. Тидын нерген Марий кундемысе гидрометеорологий рӱдер палдара. Йошкар-Оласе метеостанцийын уверже дене, 1936 ийыште рӱдолаште 22-24 градус марте шокшо лийын, тиде пагытыште эн йӱштӧ жап 2001, 1951 да 1998 ийыште. Тунам 5 гыч 7 градус марте йӱштӧ шоген. Пытартыш ийлаште тиде пагытыште икымше лум 2023 ийыште 9 октябрьыште возын.
134 1
Показано 20 последних публикаций.