Рәшит Әхмәтҗанов

* * *
Әллә ни әйтсеннәр,
Яратам мин сине;
Ут булып үземә
Каратам мин сине.

Син илдә бер генә,
Син җирдә бер генә.
Син шуны белмисең
Үзең дә әлегә.

Таш юлдан, боз юлдан
Барырмын, барырмын.
Бердәнбер юлдашың
Булып мин калырмын.

Җавап бир син миңа,
Ирек бир йөрәккә.
Сөюнең юлларын
Урама киләпкә.

Ирек бир йөрәккә,
Дуласын – тынмасын.
Җавап бир йөрәккә –
Җырласын, еласын...

Фото: Анна Арахамия

#Хәерлеиртә