🎉 Бөгүн тыва ус-шевер уран чүүлдүң ховар салым-чаяанныг чазаныкчы, “Шагаа мергени” деп хүндүлүг аттың эдилекчизи Артыш Борбак-оолович Монгуштуң төрүттүнген хүнү!

Артыш Борбак-оолович бурун тываларның үндезин культуразының бир тускай хевири болур - ус-шевер мергежилин чонунга болгаш келир үениң салгалдарынга арттырар сорулга-биле чымыштыг ишке бүрүнү-биле бердинип, ус-шевер уран чүүлүнүң сайзыралынче бодунуң үлүг-хуузун киирип, республикавыстың культура адырында быжыг турушту ээлеп чоруур салым-чаянныг кижилерниң бирээзи.

Хүндүлүг Артыш Борбак-оолович!
Чырык чер кырынга чаяттынган буянныг хүнүңер таварыштыр өг-бүлеңерге, чоок кижилериңерге бүгү-ле эки чүүлдерни, өөрүшкү-маңнайны, кадыкшылды, аас-кежикти, чымыштыг ажыл-ижиңерге ам-даа улуг чедиишкиннерни күзеп, хей-аъдыңар бедик, тура-сорууңар быжыг болурун йөрээдивис! ✨