"1 октябрьдә бер төркем ветеран почта хезмәткәрләре өлкәннәр көне уңаеннан Яңа Кырлайга мәшһүр шагыйребез Габдулла Тукай музеена сәяхәт иттек. Музейда бөек шәхесебезнең тормышы, иҗаты белән таныштык, аның шәхси әйберләрен карадык. Соныннан аның рухына дога кылдык. Кафеда тәмле ризыклар белән тукланып хәл-әхвәлләр белешеп,бергә эшләгән вакыттагы күңелле вакыйгаларны искә алдык. Бер-беребезгә сәламәтлек теләп, автобус йөртүче Русланга, аның җитәкчеләренә рәхмәт әйтеп таралыштык"-дип хәбәр итте безгә Наласадан хезмәт ветераны Әнисә Нәҗметдинова.
Без дә үз чиратыбызда почта хезмәте ветераннарына олы рәхмәтебезне җиткерәбе. Аларга нык сәламәтлек, якыннарының күңел җылысын тоеп бәхетле гомер итүләрен телибез.