Балтас районы Туҡтай ауылында яңы юл асылды

Был ваҡиғаны урындағы халыҡ күптән көтә ине. Сөнки яҙлы-көҙлө иҫке юл йөрөп булмаҫлыҡ хәлгә әйләнә. Был ваҡытта уҡыусылар мәктәпкә барып етә алмай, бысраҡ арҡаһында кешеләр цивилизациянан айырыла. Бик күп мөрәжәғәттәр һәм ялыуҙар була. Соҡорҙарҙы ремонтлау ғына проблеманы хәл итә алмай. Шуға ла юлды яңыртырға ҡарар ителә. Бүленгән 15 миллион һум аҡсаға ҡырсынташ түшәлә.