Күндү Үөһээ Бүлүү олохтоохторо, ытыктабыллаах биир дойдулаахтарым!
Үөһээ Бүлүү улууһун дьаһалтатын аатыттан уонна тус бэйэм ааппыттан эһигини барыгытын Саха Өрөспүүбүлүкэтин Судаарыстыбаннаһын күнүнэн итиитик-истиҥник эҕэрдэлиибин!
Бу – саха норуотун историятыгар, дьылҕатыгар ураты суолталаах, көлүөнэттэн көлүөнэҕэ бэриллэр үтүө үгэс буолбут, киэн туттар күммүт буолар.
Саха судаарыстыбаннаһын төрүтэ 1922 сыллаахха, бастакы Бүтүн Саха Сирин Сэбиэттэрин съездэригэр ууруллубута. Ол кэмҥэ эдэр саха уолаттара – Исидор Барахов, Максим Аммосов, Платон Ойуунускай, Степан Аржаков, Степан Васильев – Саха Сирин автономиятын төрүттээбиттэрэ. Кинилэр күүстээх санаалара, дьулуурдара, дойдуларын туһугар бэриниилээх үлэлэрэ биһиги бүгүҥҥү дэлэй олохпутун бэлэхтээбитэ.
Онтон дойдубутугар балысханнаах 90-с сыллар кэлбиттэригэр, 1990 сыл балаҕан ыйын 27 күнүгэр Саха АССР Үрдүкү Сэбиэтин XII ыҥырыылаах депутаттара Саха Өрөспүүбүлүкэтин судаарыстыбаннай суверенитетын туһунан Декларацияны ылыммыттара. Бу докумуон Саха сирэ бэйэтин инники дьылҕатын бэйэтэ быһаарар, сайдыытын хайысхатын туруорсар, сахалар олохторун-дьаһахтарын тупсарар кыахтаахпытын бигэргэппитэ. Ол кэнниттэн өрөспүүбүлүкэбит Конституцията төрүттэнэн, сайдыы саҥа таһымҥа тахсыбыта.
Декларация ылыныллыаҕыттан ыла өрөспүүбүлүкэбит бастакы Президена Михаил Ефимович Николаев 1991 сыллаахтан үлэлээн, сайдыы суолун түстээн барбыта. Кини Россияҕа дьиҥнээх федерализм олохтонуутугар, бэйэни салайаныыга, эрэгийиэннэр статустара үрдүүллэригэр быһаччы дьайбыта.
Бу историческай суолу саҕалаабыт чулуу сахаларбыт — Исидор Барахов, Степан Аржаков, Платон Ойуунускай, Максим Аммосов, Степан Васильев — ыра санаалара, үлэлэрэ бүгүн биһиги өрөспүүбүлүкэбитин бөҕөргөтөр. Кинилэргэ, ону тэҥэ Саха Өрөспүүбүлүкэтин бастакы Президеныгар Михаил Ефимович Николаевка дириҥ махталбытын тиэрдэбит.
Маны сэргэ, киэн туттабыт араас сылларга өрөспүүбүлүкэни салайбыт Үөһээ Бүлүүттэн тахсыбыт дьоммутунан:
• Саха Сиригэр КПСС обкомун бастакы секретаринан 9 сыл үлэлээбит биир дойдулаахпытынан Юрий Николаевич Прокопьевынан;
• Саха Сиригэр КПСС обкомун бастакы секретаринан 17 сыл үлэлээбит Үөһээ Бүлүүттэн куорсун анньыммыт Гаврил Иосифович Чиряевынан;
• уонна билигин биһиги кэммитигэр өрөспүүбүлүкэни салайар Ил Дархаммытынан Айсен Сергеевич Николаевынан.
Биир сомоҕо буолан, өйдөһөн-өйөһөн, бэйэ-бэйэбитин ытыктаһан, улууспутун уонна өрөспүүбүлүкэбитин сайыннарыыга кылааппытын киллэрэн үлэлиэҕиӈ, түмсүөҕүӈ!
Саха Өрөспүүбүлүкэтин Судаарыстыбаннаһын күнүнэн! Чэгиэн-чэбдик туругу, этэҥҥэ буолууну, кэскилгэ эрэли, үлэҕитигэр ситиһиилэри, дьолу-соргуну, дойдубутугар эйэни уонна үйэлээх сайдыыны баҕарабын!
Эҕэрдэни кытта Үөһээ Бүлүү улууһун баһылыга В. В. Николаев
#ЯкутияВперед
#ДеньГосударственностиРеспубликиСахаЯкутия
#СахаСирэ
#ҮөһээБүлүү
max.ru/channel_VNikolaev
Үөһээ Бүлүү улууһун дьаһалтатын аатыттан уонна тус бэйэм ааппыттан эһигини барыгытын Саха Өрөспүүбүлүкэтин Судаарыстыбаннаһын күнүнэн итиитик-истиҥник эҕэрдэлиибин!
Бу – саха норуотун историятыгар, дьылҕатыгар ураты суолталаах, көлүөнэттэн көлүөнэҕэ бэриллэр үтүө үгэс буолбут, киэн туттар күммүт буолар.
Саха судаарыстыбаннаһын төрүтэ 1922 сыллаахха, бастакы Бүтүн Саха Сирин Сэбиэттэрин съездэригэр ууруллубута. Ол кэмҥэ эдэр саха уолаттара – Исидор Барахов, Максим Аммосов, Платон Ойуунускай, Степан Аржаков, Степан Васильев – Саха Сирин автономиятын төрүттээбиттэрэ. Кинилэр күүстээх санаалара, дьулуурдара, дойдуларын туһугар бэриниилээх үлэлэрэ биһиги бүгүҥҥү дэлэй олохпутун бэлэхтээбитэ.
Онтон дойдубутугар балысханнаах 90-с сыллар кэлбиттэригэр, 1990 сыл балаҕан ыйын 27 күнүгэр Саха АССР Үрдүкү Сэбиэтин XII ыҥырыылаах депутаттара Саха Өрөспүүбүлүкэтин судаарыстыбаннай суверенитетын туһунан Декларацияны ылыммыттара. Бу докумуон Саха сирэ бэйэтин инники дьылҕатын бэйэтэ быһаарар, сайдыытын хайысхатын туруорсар, сахалар олохторун-дьаһахтарын тупсарар кыахтаахпытын бигэргэппитэ. Ол кэнниттэн өрөспүүбүлүкэбит Конституцията төрүттэнэн, сайдыы саҥа таһымҥа тахсыбыта.
Декларация ылыныллыаҕыттан ыла өрөспүүбүлүкэбит бастакы Президена Михаил Ефимович Николаев 1991 сыллаахтан үлэлээн, сайдыы суолун түстээн барбыта. Кини Россияҕа дьиҥнээх федерализм олохтонуутугар, бэйэни салайаныыга, эрэгийиэннэр статустара үрдүүллэригэр быһаччы дьайбыта.
Бу историческай суолу саҕалаабыт чулуу сахаларбыт — Исидор Барахов, Степан Аржаков, Платон Ойуунускай, Максим Аммосов, Степан Васильев — ыра санаалара, үлэлэрэ бүгүн биһиги өрөспүүбүлүкэбитин бөҕөргөтөр. Кинилэргэ, ону тэҥэ Саха Өрөспүүбүлүкэтин бастакы Президеныгар Михаил Ефимович Николаевка дириҥ махталбытын тиэрдэбит.
Маны сэргэ, киэн туттабыт араас сылларга өрөспүүбүлүкэни салайбыт Үөһээ Бүлүүттэн тахсыбыт дьоммутунан:
• Саха Сиригэр КПСС обкомун бастакы секретаринан 9 сыл үлэлээбит биир дойдулаахпытынан Юрий Николаевич Прокопьевынан;
• Саха Сиригэр КПСС обкомун бастакы секретаринан 17 сыл үлэлээбит Үөһээ Бүлүүттэн куорсун анньыммыт Гаврил Иосифович Чиряевынан;
• уонна билигин биһиги кэммитигэр өрөспүүбүлүкэни салайар Ил Дархаммытынан Айсен Сергеевич Николаевынан.
Биир сомоҕо буолан, өйдөһөн-өйөһөн, бэйэ-бэйэбитин ытыктаһан, улууспутун уонна өрөспүүбүлүкэбитин сайыннарыыга кылааппытын киллэрэн үлэлиэҕиӈ, түмсүөҕүӈ!
Саха Өрөспүүбүлүкэтин Судаарыстыбаннаһын күнүнэн! Чэгиэн-чэбдик туругу, этэҥҥэ буолууну, кэскилгэ эрэли, үлэҕитигэр ситиһиилэри, дьолу-соргуну, дойдубутугар эйэни уонна үйэлээх сайдыыны баҕарабын!
Эҕэрдэни кытта Үөһээ Бүлүү улууһун баһылыга В. В. Николаев
#ЯкутияВперед
#ДеньГосударственностиРеспубликиСахаЯкутия
#СахаСирэ
#ҮөһээБүлүү
max.ru/channel_VNikolaev