Кайнатма ясау серләре
• Җиләкләрне сак кына юарга һәм дуршлагка салып, суын саркытырга.

• Катырак җиләк-җимешне (крыжовник, алма, слива, абрикос һ.б.) кайнар суда пешекләп алырга кирәк. Болай ул ширбәтне яхшырак сеңдерә, формасын саклый.

• Кайнатманы 5-10 минут 2-3 тапкыр кайнату яхшы. Болай эшләгәндә җиләк-җи-меш, җиләкләргә югары температура йогынтысы кимрәк, файдалы үзлекләре күбрәк саклана, изелми, кайнатма тәмлерәк була.

• Кайнатманың стандарт рецепты: 1 кг җиләк, җиләк-җимешкә шулкадәр үк шикәр комы кушыла. Тиз арада ашап бетерә алсагыз яки туңдыргычта сакласагыз гына шикәр комын киметергә мөмкин.

• Кайнатманы банкаларга кайнар килеш тутырыгыз. Күп кайнатма желе хәленә килә, куера, суынгач, аны селкетергә ярамый.