Үз җаныңны аңлавы да
Кыен була кайвакыт.
Кайберәүләр оялмыйча
Киңәш бирә шул вакыт.

Каршылыклы фикер белән
Көрәшеп булмый кайчак.
Йөрәгем каядыр ашыга,
Акылым кала туктап.

Акыл белән йөрәкнең
Килешмәгән чагы була.
Теләк белән мөмкинлек тә
Эшне туктатып куя.

Барысын да уйлап кына,
Йөрәкне тыңлап кына,
Кеше фикерен ишетеп,
Үзенекен эшләп куй да,
Алга таба атла әйдә,-дип
Йөрәгем җилкенеп куя.

Айшанур.