Ооң-биле чергелештир Светлана Максимовна «Саяннар» ансамблиниң 50 чыл оюнга тураскааткан С.С. Суруннуң «От истоков до высот» деп номун редакторлаан, «Төөгүнүң арыннары» деп кинонуң сценарийин бижээн. Бөгүнде Светлана Максимовна делегей чергелиг улуг хемчегге киржип турар – «Үш эртине» деп буддийжи барымдаалыг киноларның болгаш мультфильмнерниң бир дугаар делегей чергелиг фестивалының программа директору бооп ажылдап турар.