Репост из: Новости образования Верхневилюйского улуса
Улуустааҕы үөрэх үлэһиттэрин балаҕан ыйынааҕы сүбэ мунньахтара саҕаланна.
Үөһээ Бүлүү улууһугар бүгүн, балаҕан ыйын 10 күнүттэн үөрэх үлэһиттэрин балаҕан ыйынааҕы сүбэ мунньахтара саҕаланна. Манна эрдэттэн былааннаммытын курдук, бастакы күн 13 секциянан арахсан, Үөһээ Бүлүүтээҕи Д.С. Спиридонов аатынан улуустааҕы Гимназияҕа уонна М.Т. Егоров аатынан Үөһээ Бүлүүтээҕи 2-с №-х орто оскуолаҕа үлэтин саҕалаата. Улуус үөрэҕин тэрилтэлэрин салайааччылара, директоры үөрэх чааһыгар, иитэр үлэҕэ, наукаҕа солбуйааччылар, директордар сүбэһиттэрэ, эдэр учууталлар, оскуола сүрүн предметтэрин учууталлара, оскуолаҕа киириэн иннинээҕи саастаах оҕолор, эбии үөрэхтээһин тэрилтэлэрин үлэһиттэрэ муһуннулар. Сүрүн кэпсэтии, улууска үөрэхтээһин төрүттэммитэ150 сылыгар анаан, бу кэм устата ааспыт сыллар уһулуччулаах педагогтарын үлэлэрин уоппутун, кинилэр айымньылаах үлэлэрин салгыы үөрэтии, билиҥҥи кэм үөрэхтээһиҥҥэ, иитиигэ сүрүн ирдэбиллэрин, үөрэхтээһин уонна наука сайдыытын кытта дьүөрэлээн үөрэтии, иитии сытыы боппуруостара туруохтара.
Секциялар кыттыылаахтара истээччи эрэ буолбакка, бэйэлэрин санааларын, уоппуттарын үллэстиэхтэрэ.
Иккис күҥҥэ сарсыардаттан Үөһээ Бүлүүтээҕи Д.С. Спиридонов аатынан улуустааҕы гимназияҕа уонна М.Т. Егоров аатынан Үөһээ Бүлүүтээҕи 2-с №-х орто оскуолаҕа патриотическай иитиигэ, эдэр учууталлар ассоциацияларын үлэтигэр, Граннарга үлэлээһиҥҥэ анал семинарга, кэлбит үөрэх сылыгар надзорнай органнары кытта үлэҕэ уларыйыылар тустарынан кэпсэтиилэргэ кыттыахтара. Маны таһынан, бу күн эбии үөрэхтээһин киинэ ыытар куруһуоктарын ярмарката, үөрэх тэрилтэлэрин сайыҥҥы өлгөм үүнүүлэрин көрүү быыстапкатын улахан атыыта, «Улуус педагогическай династиялара”, «Көлүөнэлэр ыккардыларынааҕы ситим: дьиэ кэргэн историята – оскуола историята” быыстапкалар сүбэ мунньах кыттыылаахтарын, улуус олохтоохторун болҕомтолорун тардыаҕа.
Бу күн, күнүс 3 чаастан Н.И. Бойлохов аатынан Оҕо искусство оскуолатын мунньахтыыр саалатыгар үөрэх үлэһиттэрин балаҕан ыйынааҕы сүбэ мунньаҕын пленарнай чааһа саҕаланыаҕа. Манна улууска үөрэхтээһини тэрийии, сыллааҕы үлэ түмүктэрэ, дириҥник хорутуллан оҥоһуллубут анаалыстар, үөрэхтээһини салгыы сайыннарыыга чопчу соруктар туруохтара.
Сүбэ мунньах үөрүүлээх чааһыгар үлэ бастыҥнарын чиэстээһин биир сүрүн миэстэни ылыаҕа.
Убаастабыллаах үөрэх киэҥ эйгэтин бары үлэһиттэрэ, сылга биирдэ буолар улахан тэрээһиҥҥэ, улуустааҕы үөрэх үлэһиттэрин сүбэ мунньаҕар, үөрэхтээһин, иитии инники сайдыытыгар бэйэҕит чопчу этиилэргитин киллэрэн, кэлэр көлүөнэ ыччакка туһуланар үтүө түгэни мүччү тутумаҥ.
«Үөһээ Бүлүү улууһа» МО үөрэххэ салалтата.
Үөһээ Бүлүү улууһугар бүгүн, балаҕан ыйын 10 күнүттэн үөрэх үлэһиттэрин балаҕан ыйынааҕы сүбэ мунньахтара саҕаланна. Манна эрдэттэн былааннаммытын курдук, бастакы күн 13 секциянан арахсан, Үөһээ Бүлүүтээҕи Д.С. Спиридонов аатынан улуустааҕы Гимназияҕа уонна М.Т. Егоров аатынан Үөһээ Бүлүүтээҕи 2-с №-х орто оскуолаҕа үлэтин саҕалаата. Улуус үөрэҕин тэрилтэлэрин салайааччылара, директоры үөрэх чааһыгар, иитэр үлэҕэ, наукаҕа солбуйааччылар, директордар сүбэһиттэрэ, эдэр учууталлар, оскуола сүрүн предметтэрин учууталлара, оскуолаҕа киириэн иннинээҕи саастаах оҕолор, эбии үөрэхтээһин тэрилтэлэрин үлэһиттэрэ муһуннулар. Сүрүн кэпсэтии, улууска үөрэхтээһин төрүттэммитэ150 сылыгар анаан, бу кэм устата ааспыт сыллар уһулуччулаах педагогтарын үлэлэрин уоппутун, кинилэр айымньылаах үлэлэрин салгыы үөрэтии, билиҥҥи кэм үөрэхтээһиҥҥэ, иитиигэ сүрүн ирдэбиллэрин, үөрэхтээһин уонна наука сайдыытын кытта дьүөрэлээн үөрэтии, иитии сытыы боппуруостара туруохтара.
Секциялар кыттыылаахтара истээччи эрэ буолбакка, бэйэлэрин санааларын, уоппуттарын үллэстиэхтэрэ.
Иккис күҥҥэ сарсыардаттан Үөһээ Бүлүүтээҕи Д.С. Спиридонов аатынан улуустааҕы гимназияҕа уонна М.Т. Егоров аатынан Үөһээ Бүлүүтээҕи 2-с №-х орто оскуолаҕа патриотическай иитиигэ, эдэр учууталлар ассоциацияларын үлэтигэр, Граннарга үлэлээһиҥҥэ анал семинарга, кэлбит үөрэх сылыгар надзорнай органнары кытта үлэҕэ уларыйыылар тустарынан кэпсэтиилэргэ кыттыахтара. Маны таһынан, бу күн эбии үөрэхтээһин киинэ ыытар куруһуоктарын ярмарката, үөрэх тэрилтэлэрин сайыҥҥы өлгөм үүнүүлэрин көрүү быыстапкатын улахан атыыта, «Улуус педагогическай династиялара”, «Көлүөнэлэр ыккардыларынааҕы ситим: дьиэ кэргэн историята – оскуола историята” быыстапкалар сүбэ мунньах кыттыылаахтарын, улуус олохтоохторун болҕомтолорун тардыаҕа.
Бу күн, күнүс 3 чаастан Н.И. Бойлохов аатынан Оҕо искусство оскуолатын мунньахтыыр саалатыгар үөрэх үлэһиттэрин балаҕан ыйынааҕы сүбэ мунньаҕын пленарнай чааһа саҕаланыаҕа. Манна улууска үөрэхтээһини тэрийии, сыллааҕы үлэ түмүктэрэ, дириҥник хорутуллан оҥоһуллубут анаалыстар, үөрэхтээһини салгыы сайыннарыыга чопчу соруктар туруохтара.
Сүбэ мунньах үөрүүлээх чааһыгар үлэ бастыҥнарын чиэстээһин биир сүрүн миэстэни ылыаҕа.
Убаастабыллаах үөрэх киэҥ эйгэтин бары үлэһиттэрэ, сылга биирдэ буолар улахан тэрээһиҥҥэ, улуустааҕы үөрэх үлэһиттэрин сүбэ мунньаҕар, үөрэхтээһин, иитии инники сайдыытыгар бэйэҕит чопчу этиилэргитин киллэрэн, кэлэр көлүөнэ ыччакка туһуланар үтүө түгэни мүччү тутумаҥ.
«Үөһээ Бүлүү улууһа» МО үөрэххэ салалтата.