СУНТАРСКИЙ УЛУС

*Бордоҥ агрооскуолата үрдүк ситиһиилээх 95 сыллаах үбүлүөйүн көрсөр*

🔹️🔹️🔹️Сунтаар улууһун агро хайысхалаах бастыҥ үөрэх кыһаларыттан биирдэстэрэ - Бордоҥ оскуолата тэриллибитэ 95 сыллаах үбүлүөйүн бэлиэтиир тэрээһин үрдүк таһымҥа ыытылынна. Өрөгөйдөөх түгэҥҥэ ытык ыалдьыттар, оскуола кэлэктиибэ, үөрэнээччилэр уонна урукку сылларга оскуоланы бүтэрбит выпускниктар кытыннылар.

Улуус баһылыгын социальнай боппуруостарга солбуйааччыта Мирослав Иванов, тыа хаһаайыстыбатын управлениетын салайааччыта Владимир Анисимов уонна үөрэх салаатын салайааччыта Борис Николаев эҕэрдэ тылларын эттилэр. Өр сылларга үлэлээбит уонна үөрэҕирии систиэмэтин, Бордоҥ нэһилиэгин сайдыытыгар улахан кылааттарын киллэрбит оскуола педагогтарыгар уонна үлэһиттэригэр араас таһымнаах наҕараадалар, бочуоттаах грамоталар уонна махтал суруктар туттарылыннылар.

Агрооскуола стратегическай суолтата улахан. Кинилэр материальнай-техническай базаны сайыннаран, тупсаран, кэлэр көлүөнэни иитиигэ, ону тэҥэ тыа хаһаайыстыбатын идэлэрин сырдатыыга, сиргэ-уокка харыстабыллаах сыһыаны үөскэтиигэ кыһамньылаахтык үлэлииллэр. Инньэ диэн туран, *Мирослав Иванов оскуола автопаркатыгар Газель "Next" бэриллэрин үөрүүлээх түгэҥҥэ иһитиннэрдэ.*

_Сунтаар улууһун дьаһалтатын пресс-сулууспата_

*Бордоҥ оскуолата төрүттэммитэ 95 сылын бэлиэтиир*

🔹️🔹️🔹️Бордоҥ оскуолата быйыл 95 сыллаах үбүлүөйүн көрсөр. Үйэни уҥуордаан кэлбит баай устуоруйалаах үөрэх кыһата бүгүн да кэскиллээх үлэни тэрийэн, кэлэр көлүөнэни иитэр-үөрэтэр үтүө үгэһин салгыыр. Урукку сыллартан саҕалаан спорка, туризмҥа, дуобакка үрдүк ситиһиилэринэн биллэрэ. Кэлин олох крдэбилинэн агро хайысханы тутуһан, өрөспүүбүлүкэҕэ таһаарыылаахтык үлэлиир тэрилтэлэртэн биирдэстэрэ.

Оҕолор манна кыра саастарыттан үлэҕэ уһуйуллаллар. Сүөһү-сылгы иитиитин дьаһайаллар, үүнээйи арааһын үүннэрэллэр. Ону тэҥэ, эмтээх оттору хомуйан, араас оҥоһуктары оҥорон атыыга таһаараллара оскуола биир ураты айар практическай хайысхатынан буолар.

Үбүлүөйдээх тэрээһиҥҥэ ураты көстүүнэн нэһилиэк картата оҥоһуллан оскуола эркинигэр ыйанна. Карта оҥоһуутугар үөрэнээччилэр көхтөөхтүк кыттан сири-дойдуну үөрэппиттэр, научнай үлэлэри суруйбуттар. Маны тэҥэ, ытыктанар үлэлээн ааспыт учууталлар ааттарынан 3 кабинет сүрэхтэннэ. Оскуола тулаһатыгар күөх эйгэни тэнитэн, мас арааһа олордулунна.

Үлэҕэ уһуйар, олоххо бэлэмниир үөрэх кыһатын суола өссө да уһун уонна ситиһиилээх буоллун!

_Сунтаар улууһун дьаһалтатын пресс-сулууспата_

*Бэтэрээннэр Сэбиэттэрин Өрөгөйдөөх Знамята Сунтаар улууһуттан Мирнэйгэ тиэрдилиннэ*

🚩🚩🚩Саха өрөспүүбүлүкэтин сэрии, тыыл, үлэ, быраабы араҥаччылыыр уорганнар уонна сэбилэниилээх күүстэр бэтэрээннэрин (биэнсийэлээхтэрин) уопсастыбаннай тэрилтэтин Өрөгөйдөөх Знамята бэтэрээннэр Сэбиэттэрэ тэриллибитэ 40 сыллаах үбүлүөйүн чэрчитинэн, улуустары уонна нэһилиэктэри кэрийэр улахан айанын салҕыыр.

Өрөспүүбүлүкэ бары муннуктарын кэрийбит ытык бэлиэни Сунтаар улууһун баһылыгын социальнай боппуруостарга солбуйааччыта Мирослав Иванов салайааччылаах делегация Мииринэй улууһун бэтэрээннэригэр тиэртилэр. Манна Кириэстээх нэһилиэгин олохтоохторо уонна бэтэрээннэрэ кытыннылар, Өрөгөйдөөх бэлиэни улуус кыраныыссатын уҥуордаан, Мииринэй улууһугар бэйэтинэн илдьэн, этэҥҥэ тиксэрдилэр.

Тэрээһин кыттыылаахтара Знамя улуустары уонна нэһилиэктэри түмэр, доҕордоһууну уонна бэтэрээннэр сыралаах үлэлэрин үйэтитэр күүһүнэн бэлиэтээтилэр.

_Сунтаар улууһун дьаһалтатын пресс-сулууспата_

📽📽📽 Сунтаарга оҕолор спордунан дьарыктаналларыгар, чөл олохтоох буолалларыгар сөптөөх үлэ барар. Спорт манеһыгар ГТО туттарыытын уонна стадиоҥҥа субуотунньук туһунан НВК ханаалыгар көстүбүт сюжеты көрүҥ🙌

📽📽📽Сунтаарга аҕам саастаахтар декадаларынан сибээстээн спорт отдела "Харысхал" волонтердарыгар сэргэх оонньууну ыытта. Үтүө санаалаах эбээлэр үлэттэн аралдьыйан бэрт тэрээһин буолла дииллэр. Бу туһунан НВК ханаалыгар көстүбүт сюжеты сэргээҥ🙌

🏊 Приглашаем жителей и гостей Сунтарского улуса в спортивно‑плавательный
комплекс «БАЙҔАЛ»!

📍 с. Сунтар, ул. Партизанская, 52/1
Бассейн: 6 дорожек, длина 25 м, ширина 11 м.
Глубина — от 1,2 до 1,8 м.
Длительность сеанса — 45 минут. Стоимость: детский — 150 ₽, взрослый — 350
₽.

Режим работы бассейна:

Понедельник — санитарный день

Вторник — пятница: 08:00–20:00

Суббота — воскресенье: 10:00–17:00

Ежедневный перерыв: 12:30–14:00

Вход в здание прекращается за 1 час до окончания работы или начала перерыва.

Что нужно для допуска в бассейн.

Детям — анализ на яйца гельминтов. Взрослым
— личная медицинская книжка с допуском.
При её отсутствии — анализ на яйца
гельминтов и справка от врача‑терапевта (фельдшера).

Что взять с собой в бассейн — Купальник или плавки (девушкам — слитный купальник, мужчинам — спортивные плавки) — Шапочку для плавания — Резинку для волос — Полотенце — Сменную обувь (резиновые тапочки или сланцы)

Перед спуском в чашу обязательно примите душ — без этого дежурный в бассейн не пустит.

Тренажёрный зал (3 этаж комплекса). Более 20 единиц современного спортивного оборудования и инвентаря. Продолжительность занятия — 2 часа, стоимость — 200 ₽. Обязательно возьмите: спортивную одежду и сменную обувь.
📞 Телефон для справок — 84113527002

Приходите сами и с семьёй — движение бодрит, а плавание бережно укрепляет здоровье в любом возрасте!

🔹️🔹️🔹️Сунтаарга аҕам саастаахтар декадаларынан сибээстээн спорт отдела «Харысхал» волонтердарын ортотугар сэргэх оонньууну тэрийэн ыытта. Сымса буолууну уонна өйү-толкуйу сайыннарар күрэхтэһиигэ үтүө санаалаах эбээлэр бэрт көхтөөхтүк кытыннылар.

Уксаан уонна мөһөөччүгү таба быраҕыы курдук өйү-толкуйу сайыннарар, илии сымсатын тургутар өбүгэ оонньууларын көрүҥнэригэр күрэхтэстилэр. Кинилэр этэллэринэн, маннык тэрээһиннэр кыратык да буоллар үлэттэн сынньанарга, доруобуйаны тупсарарга олус туһалаахтар.

Спорт отделын специалиһа Мария Васильева бу күрэххэ бэйэлэрин кыахтарын көрдөрбүт, таба туттунуулаах эбээлэри бэлиэтии көрдө, салгыы улуустааҕы чемпионакка кыттарга ыҥырда. Онон, күннээҕи волонтердуур үлэлэрин таһынан, эбээлэр сотору кэминэн улуус чиэһин көмүскүүр спортивнай тэрээһиннэргэ бэлэмнэниэхтэрэ.

Көхтөөх эбээлэрбитигэр ситиһиини уонна чэгиэн туругу баҕарабыт!

_Сунтаар улууһун дьаһалтатын пресс-сулууспата_

*Устье оскуолатын үөрэнээччилэрин кыайыыта: улууска саҥа былаһаакка үлэҕэ киирдэ*

✳️✳️✳️Устье орто оскуолатын үөрэнээччилэрин көҕүлээһиннэринэн спортивнай-военизированнай балаһа (полоса препятствий) үлэҕэ киирдэ. Саҥа тутуллубут былаһаакка аныгы кэм ирдэбилигэр толору эппиэттиир, оҕо эт-хаан өттүнэн күүстээх, тулуурдаах буола улаатарыгар уонна байыаннай-патриотическай тыыннаах иитиллэригэр сүүнэ кыаҕы биэрэр.

Манна инникитин байыаннай дьарыктар, араас күрэхтэһиилэр, профильнай лааҕырдар тэриллэллэригэр усулуобуйа толору баар буолла. Оҕолор бэйэлэрин күүстэринэн, санааларынан төрүттээбит бырайыактара ситиһии төрүөтүнэн буолар.

Бу бырайыак оскуола үөрэнээччилэрин көҕүлээһинин өйүүр (школьное инициативное бюджетирование) тосхолунан олоххо киирдэ.

Сунтаар улууһун дьаһалтатын аатыттан улууспут кэскиллээх ыччатыгар, ситиһиилээх үөрэнээччилэригэр, кинилэри өйүүр учууталларга уонна төрөппүттэргэ өссө да саҥа үрдэллэри, ситиһиилэри баҕарабыт. Тулалыыр эйгэни тупсарар, сайыннарар көҕүлээһиҥҥитин өйүүргэ өрүү бэлэммит!

_Сунтаар улууһун дьаһалтатын пресс-сулууспата_

*Сунтаарга кыраайы үөрэтээччи Аркадий Яковлев сырдык аатыгар аналлаах электроннай архив арылынна*

🔹️🔹️🔹️Сунтаар улууһугар устуоруйаны, култуураны уонна төрөөбүт дойдуну үөрэтиигэ сүҥкэн кылаатын киллэрбит, дириҥ билиилээх, уопуттаах архивариус, дьиҥнээх патриот Аркадий Яковлевка аналлаах «Напиши имя моё» диэн ураты интернет-сайт сүрэхтэннэ.

Саҥа электроннай былаһааккаҕа улуус биллиилээх кыраайы үөрэтээччитин олорон ааспыт олоҕо, айымньылаах үлэтэ, хас да сыл устата сыралаһан мунньубут докумуоннара уонна кини бэйэтэ оҥорбут устуоруйа-статистика матырыйааллара киирдилэр. Барыта 60-тан тахса сирэйдээх киэҥ былаһааккаҕа 1000-нан докумуон, 398 научнай уонна чинчийэр үлэ, ону тэҥэ 300-тэн тахса историческай хаартыска харалынна. Маны тэҥэ, дириҥ ис хоһоонноох электроннай архив саамай сүрүн уонна сөҕүмэр улахан үлэтинэн Сунтаар улууһун интерактивнай атлаһа буолла.
Наадалаах матырыйааллар бары биир сиргэ хомуллан, улуус устуоруйатын интэриэһиргиир дьоҥҥо уонна кэлэр көлүөнэҕэ улахан көмө буолуохтара.

Бу сүҥкэн улахан бырайыагы Ангелина Антонова дириэктэрдээх Оҕо дьоҕурун сайыннарар киин сүрүннээн ыытта. Дьон болҕомтотун тардар, уустук тутуллаах сайты киин бэйэтин выпускнига, талааннаах ыччат Николай Пирожков үрдүк таһымнаахтык оҥорон таһаарда.

Сайт сүрэхтэниитигэр Аркадий Яковлев бииргэ үлэлээбит доҕотторо, аймахтара уонна төрөппүт ийэтэ кыттыыны ыллылар. Бырайыак олоххо киириитигэр үлэлэспит, улуус устуоруйатын кэпсиир, сырдатар уонна үйэтитэр олус наадалаах үлэни ыыппыт дьоҥҥо барыларыгар муҥура суох истиҥ махталбытын тиэрдэбит.

_Сунтаар улууһун дьаһалтатын пресс-сулууспата_

*Сунтаардар күһүҥҥү дьаарбаҥкаҕа иккис миэстэни ыллылар*

🌿🌿🌿Көмүс күһүн тиһэх күннэригэр Дьокуускай куоракка үгэс буолбут тыа хаһаайыстыбатын дьаарбаҥката үрдүк таһымнаахтык ыытылынна. Быйылгы үүнүү, үрүҥ ас, эт уонна балык дьаарбаҥкатыгар уйгулаах Сунтаар сириттэн 12 олохтоох оҥорон таһаарааччы, ону тэҥэ Бордоҥ уонна Куокуну агрооскуолалара көхтөөхтүк кытыннылар.

Күрэх түмүгүнэн Сунтаар улууһа «Үрүҥ аһы оҥорон таһаарааччы» саамай сүрүн номинацияҕа бочуоттаах иккис миэстэни ылла. Маны тэҥэ, улуус атын да хаһаайыстыбалара хас да хайысханан үрдүк сыанабылы ыллылар уонна туспа номинацияларынан, наҕараадаларынан бэлиэтэннилэр.

Бу кыайыы уонна ситиһии - Сунтаар улууһун тыа сирин үлэһиттэрин, агрооскуолаларын уонна урбаанньыттарын сомоҕолоһуулаах, соруктаах уонна биир сомоҕо үлэлэрин туоһутунан буолар. Кинилэр сайдалларыгар, олохтоох бородууксуйаны элбэтиигэ, хаһаайыстыба тирэхтээх буолуутугар улууска тустаах программалар үлэлииллэр, саҥаттан саҥа бырайыактар олоххо киирэллэр.

Күһүҥҥү дьаарбаҥка улуус бородууксуйата куорат таһымыгар үрдүктүк сыаналанарын уонна салгыы кэҥииригэр улахан кэскиллээҕин көрдөрдө.

_Сунтаар улууһун дьаһалтатын пресс-сулууспата_

📽📽📽Сунтаардааҕы норуот тыйаатыра 59 театрдартан талыллан федеральнай таһымнаах "Успех на алтае" бэстибээлгэ кыттыыны ылла. Манна кинилэр Динислам Тууйас туруоруутугар "Олох дьэбэрэтэ" испэктээги көрдөрдүлэр. Бу туһунан НВК ханаалыгар көстүбүт сюжеты сэргээҥ🙌

🏛📚 Сунтаарга саҥа тутуллан үлэҕэ киирбит политехническэй лицейгэ бастакы үөрэх күнэ саҕаланна👍 Бу ураты уонна үөрүүлээх түгэҥҥэ кылаас салайааччылара күндү оҕолорун үөрэ-көтө көрсөн, өйдөбүнньүк сэмэй бэлэхтэри туттардылар👏👏👏

Үөрэх дьыла ситиһиилээх, интэриэһинэй уонна айымньылаах буоллун! Оҕолорго, төрөппүттэргэ уонна учууталларга ситиһиини эрэ баҕарабыт🙌

ОБРАЗОВАТЕЛЬНЫЙ ФОРУМ «ВИЛЮЙСКИЙ»

В Сунтарском улусе впервые проходит четвертый образовательный форум "Вилюйский" на тему: "Образовательное пространство как ресурс развития личности". В его работе принимают участие 450 человек из шести улусов республики. Форум охватывает пять ключевых направлений: дошкольное воспитание, качество образования, вопросы кадрового обеспечения, традиционная культура и воспитание. Почетным гостем мероприятия стал профессор из Татарстана Раис Фалихович Шайхелисламов.