💠Бүгүн В.Павлов аатынан Сунтаар алын сүһүөх оскуолатыгар үөрүүлээх түгэн тосхойдо👏👏👏. 4 кылааһы бүтэрэр оҕолорун улахан оскуолаҕа атаарда. Ол курдук, быйыл оскуола 4 кылааһын 132 оҕо бүтэрэн Сунтаар нэһилиэгин араас оскуолаларынан тарҕаһыахтара.

💠Бу күн оскуола учууталлара биһирэбил, хайҕабыл суруктарынан наҕараадаланнылар.
Үөрэх бастыҥнара, туйгун үөрэнээччилэрэ Сунтаар улууһун, нэһилиэгин, үөрэҕирии салалтатын наҕараадаларын туттулар.

💠Бу үөрэх дьылыгар оскуола үөрэнээччилэрэ араас күрэстэргэ ситиһиилээхтик кытыннылар, оскуоларын аатын чиэстээхтик көмүскээтилэр, улуустарын аатын дорҕоонноохтук ааттаттылар.

💠4"д" кылаас үөрэнээччитэ Аартур Спиридонов сыл бастыҥ үөрэнээччитэ ааты сүктэ, кылаас салайааччыта Раиса Матвеева Сунтаар улууһун түөскэ кэтэр бэлиэлээх бочуотунай грамотатын тутта.

О5олор бастакытын билии аартыгар үктэммит алын сүһүөх оскуолаларын өрүү истиҥник саныахтара. Бастакы учууталларын умнуо суохтара🙌