Балаҕан ыйын 24-25 күнугэр биһиги уһуйааммытыгар сыл аайы үгэс буолбут «Көмүс күһүн» диэн ааттаах күһүҥҥү аралдьыйыы үрдүк таһымнаахтык уонна олус сэргэхтик буолан ааста.
Тэрээһин сүрүн сыала: оҕолор айылҕа уларыйыытын билэллэрин чиҥэтии, төрөөбүт дойдуга, сиргэ-уокка таптал иэйиитин уһугуннарыы, ону таһынан оҕо айар дьоҕурун уонна таллааннарын арыйыы.
Ырыа-тойук, хоһоон доҕуһуоллаах бырааһынньыкка оҕолор үөрэн-көтөн кыттыстылар. Тэрээһин сүрүн ыалдьытынан — Көмүс Күһүн бэйэтин кэһиилээх, оонньуулаах киирэн оҕолору үөртэ.
Хас биирдии бөлөх оҕолоро күһүн туһунан хоһооннору ааҕан иһитиннэрдилэр, үҥкүүлээн бүрүлүннүлэр уонна күһүҥҥү нарын ырыалары ыллаатылар. Оҕолор араас хамсаныылаах оонньууларга көхтөөхтүк кытыннылар.