Грипп утары быһыы кутталаах ыарыыттан харыстанарга саамай көдьүүстээх ньыма. Ордук кутталга сылдьар нэһилиэнньэ араҥатыгар болҕомто ууруллар: оҕолор, оҕо күүтэр ийэлэр, хроническай ыарыылаахтар, пенсионердар, 60-тан үөһэ саастаах аҕам дьон, эмп уонна үөрэх эйгэтин, олох-дьаһах хаһаайыстыбатын улэһиттэрэ буолаллар.
Быһыыны балаҕан ыйыттан сэтинньи ыйга диэри ылар ордук, ол эбэтэр дьаҥ тарҕаныан иннинэ. Сыллата быһыы ис тутула (состава) уларыйар, ханнык штаммнаах ыарыы кэлиэн сөбүттэн көрөн саҥардыллан оноһуллар. Эрдэ быһыыны ыллахха киһи иммунитетын өрө көтөҕүллүгэр улахан суолталанар.
Бүгүҥҥү күҥҥэ Таатта улууһугар 7100 киһи грипп утары быһыы ылара былааннанан турар.
Онон, Таатта улууһун бары олохтоохторун күргүөмнээхтик кэлэн грипп утары быһыыны ыларгытыгар ыҥырабыт. Киин балыыһа поликлиникатыгар, улуус бары врачебнай амбулаторияларыгар уонна ФАПтарыгар быһыы (вакцина) баар, улэ кунугэр хаһан баҕарар кэлэн ылыаххытын сөп.