🏃‍♂️🏅 ЧӨЛ ОЛОХ ТИРЭҔЭ: Тыараһа нэһилиэгэр аныгы ГТО былаһаакката үөрүүлээхтик арылынна!

Бүгүн, балаҕан ыйын 15 күнүгэр, Тыараһа нэһилиэгэр чөл олоҕу өрө тутааччыларга, оҕолорго уонна спорт бэтэрээннэригэр улахан күүтүүлээх, үөрүүлээх түгэн буолла. Манна Всероссийскай физкультурно-спортивнай комплекс «Готов к труду и обороне» (ГТО) саҥа аныгы былаһаакката дьоһуннаахтык арылынна.

🎉 Спортивнай объект арыллыытыгар Таатта улууһун баһылыга Айаал Бурцев, нэһилиэк баһылыга, спортивнай уопсастыбаннас, оскуола үөрэнээччилэрэ уонна олохтоохтор көхтөөхтүк муһуннулар.

💬 Таатта улууһун баһылыга Айаал Бурцев тыл этэригэр Тыараһа нэһилиэгэ куруук да маассабай спортка уонна чөл олоххо бастыҥ күөҥҥэ сылдьарын бэлиэтээтэ.

💫Саҥа спортивнай былаһаакка анал тренажердарынан, турниктэринэн уонна ГТО нормативтарын туттарарга аналлаах оборудованиеларынан толору хааччыллыбыт. Арыллыы кэнниттэн оскуола оҕолоро уонна ыччаттар саҥа былаһааккаҕа аан бастакы эрчиллиилэри уонна ГТО нормативын туттарыы анал көрүүтүн өрө көтөҕүллэн туран көрдөрдүлэр.

Тыараһа нэһилиэгин олохтоохторугар саҥа былаһааккаҕа ситиһиилээх дьарыктары, чыпчаал доруобуйаны уонна спортивнай кыайыылары баҕарабыт!

📲МАХ|