Надежда Гоголева «Саха өрөспүүбүлүкэтин бастыҥ оҕо библиотекара» күрэххэ 1 миэстэни ылла

Алтынньы ый 30 күнүгэр Дьокуускай куоракка «Саха өрөспүүбүлүкэтин бастыҥ оҕо библиотекара» куонкурус түмүктүүр түһүмэҕэ буолан ааста.

Бу күрэххэ Уус Алдан улууһун Оҕо библиотекатын библиотекара Надежда Васильевна Гоголева 1 миэстэни ылла уонна "Общественное признание" номинация кыайыылаҕынан буолла.
Надежда Васильевна - улахан уопуттаах педагог, билигин библиотека эйгэтигэр ситиһиилээхтик үлэлии сылдьар. Кини араас интеллектуальнай оонньуулары тэрийээччи уонна оҕолорго аналлаах методическай босуобуйалар ааптардара буолар.

Надежда Васильевнаны улахан ситиһиитинэн эҕэрдэлиибит, инникитин өссө да таһаарыылаах үлэни баҕарабыт!

https://uacbs.ru/uus-aldan-uluuһun-oҕo-bibliotekatyn-sebidisseje-sr-kulturatyn-tujguna-portnyagina-vera-alekseevna-saha-өrөspүүbүlүketiger-biblioteka-dyalatyn-sajdyytygar-kyl/