Алтынньы 5 күнэ – учуутал күнэ. Бу үөрүүлээх күнүнэн бука бары улууспут учууталларын, ветеран учууталларын С.С.Васильев – Борогонскай аатынан киин библиотека коллективын аатыттан истиҥник эҕэрдэлиибит.
Күндү ааҕааччыларбытын учуутал күнүн көрсө "Алгыс" кыраайы үөрэтэр отдел саалатыгар "Сырдыгы, үөрэҕи тарҕатан" диэн кинигэнэн быыстапканы кэлэн сэҥээрэ көрөргүтүгэр ыҥырабыт. Быыстапкаҕа Уус Алдан улууһун үөрэҕириитин историятыттан, норуот педагогикатыгар аналлаах литература уонна учуутал идэтигэр, оҕо иитиитигэр анаммыт уус-уран айымньылар кинигэлэрэ турдулар.