МБНОУ «МЮГ им. В.В. Алексеева»

“Уолан” гимназияҕа Учуутал күнүн бэлиэтээһин.

Бүгүн Мүрүтээҕи уолаттар гимназияларын коллектива Учуутал күнүн үөрүүлээхтик бэлиэтээтэ. Уоланнар бу дьоро күнү көрсө олус кыһаллан, бэлэмнэнэн кэлэннэр учууталларыгар анаан ис сүрэхтэн тахсар эҕэрдэ кэнсиэр көрдөрдүлэр.

Гимназистар бары истиҥ ырыалары ыллаан, хомоҕой хоһооннору ааҕан, талааннарын көрдөрөн, учууталларын сүргэлэрин көтөхтүлэр. Кэнсиэр кэнниттэн оҕолор бэлэхтэрин туттардылар, истиҥ махтал тылларын эттилэр.

Үөрүүлээх тэрээһин кэмигэр гимназиябыт 2016 сыллааҕы выпускнига Георгий Охлопков тапталлаах учууталларын идэлээх күннэринэн эҕэрдэлээтэ. Быйыл сайын бу кылаас уоланнара гимназияны бүтэрбиттэрэ 10 сылын бэлиэтээтилэр. Бу бэлиэ тэрээһин чэрчитинэн үөрэммит учууталларыгар Петрова Розалия Петровнаҕа, Бурцева Наталия Васильевнаҕа, Кривошапкин Иннокентий Иннокентьевичка барҕа махталларын бэлиэтигэр кылаас аатыттан өйдөбүнньүк бэлэхтэрин уонна Ил Түмэн Билимҥэ уонна үөрэҕириигэ кэмитиэтин Бочуотунай грамоталарын туттарда. Георгий бүгүҥҥү гимназистарга үчүгэй үөрэҕи, учууталларга үрдүк ситиһиилэри баҕарда.

Сыллата ыытыллар үгэс буолбут долгутуулаах тэрээһин уоланнар уонна учууталлар икки ардыларыгар сыһыаны бөҕөргөтөр уонна оҕолор айар дьоҕурдарын сайыннарар, талааннарын көрдөрөр кыаҕы биэрэр.

Бүгүҥҥү үөрүүлээх тэрээһин гимназиябыт учууталларыгар уонна үөрэнээччилэригэр үтүмэн үөрүүну, инникигэ бигэ эрэли бэлэхтээтэ.

Махтал😘😘😘 гимназиябар, коллективпар💐

Үрдүк таһымнаах Кыайыынан итии-истиҥ Эҕэрдэ!

Бүгүн, алтынньы 5 күнүгэр — В.В. Алексеев аатынан Мүрүтээҕи уолаттар гимназияларын учууталлара, Учуутал күнүн көрсө Саха Өрөспүүбүлүкэтин Правительствотын дьиэтигэр буолан ааспыт үөрүүлээх тэрээһиҥҥэ, Ил Дархан Айсен Сергеевич Николаевтан үрдүк наҕараадалары туттулар.

Бу күн гимназиябыт аатын ааттатар, үрдүк дьоҕурдарын уонна бэриниилээх үлэлэринэн холобур буолбут учууталларбыт: Саргылана Ивановна Тимофеева – информатика учуутала, "Российскай Федерация Бастыҥ учуутала" бириэмийэ кыайыылааҕа, Сардана Николаевна Сыроватская – нуучча тылын уонна литературатын учуутала, "Саха Өрөспүүбүлүкэтин Бастыҥ наставник учуутала" бириэмийэ хаһаайката буолла!🌟

Улууспут, төрөөбүт гимназиябыт аатын өрөспүүбүлүкэ уонна дойду таһымыгар чиэстээхтик таһаарбыт, уолаттары олох киэҥ суолугар эр санаалаах, үрдүк билиилээх гына иитэн таһаарар убаастыыр учууталларбытыгар кытаанах доруобуйаны, айымньылаах үлэҕэ өссө да улахан ситиһиилэри баҕарабыт.
Гимназиябыт сырдык аатын ааттаттар, кэрэ кэскиллээх үтүө дьон үксүү турдуннар! Киэн туттабыт эһиги тускутунан! 👏👏👏

Бүгүн, алтынньы 1 күнигэр - Музыка аан дойдутааҕы күнүгэр – Бороҕоннооҕу оҕо искусствотын оскуолатыгар ураты тэрээһин буолла. Мүрүтээҕи уолаттар гимназияларын 5 кылааһын уолаанчыктара бу дьоро күнү бэлиэтиир тэрээһиҥҥэ ыҥырыллан, "Брейн-ринг" диэн өй, билии күөн күрэс оонньуутугар кытыннылар.
Оҕо искусствотын оскуолатын преподавателлэрэ араас музыкальнай инструмеҥҥа оонньоон иһитиннэрдилэр. Онтон кэлбит оҕолору кытта искусство оскуолатын иитиллээччилэрэ 4 хамаандаҕа арахсан, брейн-ринг күрэҕэр кииристилэр. Кыттааччылар музыка эйгэтиттэн саҕалаан, уопсай билиигэ тиийэ араас хайысхалаах ыйытыыларга хоруйдаатылар. Оҕолор түргэнник толкуйдаан, эппиэттэри биэрэн, олус көхтөөхтүк кытыннылар. Оонньуу түгэннэригэр күлүү-үөрүү, мөккүөр да элбэх этэ, ким да хаалсыбата. Хамаандалар билиилэрин, дьоҕурдарын уонна түргэн өйдөрүн көрдөрдүлэр.
Маннык тэрээһин оҕолор өйдөрүн-санааларын сайыннарар, бэйэ-бэйэлэрин кытта алтыһарга, саҥа доҕоттору буларга көмөлөһөллөр. Ону таһынан, музыка эйгэтигэр интэриэһи үөскэтэллэр, кинилэр айар дьоҕурдарын арыйалларыгар олук буолаллар.
Оҕолорбут өйдөрүгэр -санааларыгар умнуллубат умсугутуулаах тэрээһин ыытыллыбытын иһин тэрийээччилэргэ барҕа махталбытын тиэрдэбит .

Үөрэнээччилэр олимпиадаларын оскуолатааҕы түһүмэҕэ үөрүүлээхтик саҕаланна!

Бүгүн, балаҕан ыйын 28 күнүгэр, Мүрүтээҕи уолаттар гимназияларыгар Бүтүн Арассыыйатааҕы үөрэнээччилэр олимпиадаларын оскуолатааҕы түһүмэҕэ үөрүүлээх быһыыга-майгыга старт ылла. Бу үөрэнээччилэр дьоҕурдарын уонна өй күүһүн көрдөрөр суолталаах түһүмэх буолар.

Олимпиада – бу судургу билиини бэрэбиэркэлээһин эрэ буолбатах. Бу – хас биирдии үөрэнээччигэ, дириҥ билиигэ дьулуһуу, бэйэ сөбүлүүр биридимиэтигэр дириҥээн киирии, саҥаны арыйыыга уонна айар куту сайыннарыы.
Ыарахаттар үрдүлэринэн кыайыыга дьулуһуу, санаа күүһүн уонна тулуурдаах буолууну көрдөрүү.

Хас биирдии кыттааччыга сырдык толкуйу, холку буолууну уонна үрдүк ситиһиилэри баҕарабыт!

Мүрүтээҕи уолаттар гимназияларыгар Судаарыстыбаннас күнүгэр аналлаах торжественнай линейка ыытылынна!

Бүгүн, балаҕан ыйын 28 күнүгэр, В. В. Алексеев аатынан Мүрүтээҕи уолаттар гимназияларыгар Сахабыт Республикатын Судаарыстыбаннаһын күнүгэр анаммыт торжественнай линейка буолла.

Гимназистары бу бэлиэ күнүнэн Гимназия дириэктэрэ Валерий Валерьевич Рожин Судаарыстыбаннас күнүнэн истиҥник эҕэрдэлээтэ, история учуутала Владислав Викторович Скороходкин Судаарыстыбаннас диэн тугун, Сахабыт Республикатын судаарыстыбаннаһа хайдах олохтоммутун, кэлбит кэми уонна сүрүн суолтатын туһунан үөрэнээччилэргэ сиһилии билиһиннэрдэ. Бу билиһиннэрии оҕолор өйдөрүгэр-санааларыгар төрөөбүт дойдуларыгар тапталы, ытыктабылы үөскэттэ.
Бу үөрүүлээх түгэӈӈэ "Уолан" ааҕар бөлөх кыттааччылара, 9 кылаас уоланнара, "Үүнэр-сайдар Сахам сирэ" Уус уран дьүһүйүүнү доргуччу аахтылар.
Ону тэӈэ гимназия президиэнэ Бурцев Григорий эҕэрдэ тылы эттэ. Кини гимназистары төрөөбүт дойдуларын кэнэҕэски сайдыытыгар бэйэлэрин кылааттарын киллэрэллэрин туһугар үөрэхтээх, үлэһит дьон буолалларыгар ыҥырда.

Үөрэнээччилэр Республика күнүн суолтатын өссө дириҥник өйдөөтүлэр уонна төрөөбүт дойдуларынан киэн туттуулаахтык тарҕастылар.

Үөрэх сылын саҕалыыр төрөппүт мунньаҕа буолла!

Ааспыт балаҕан ыйын 25 күнүгэр В. В. Алексеев аатынан Мүрүтээҕи уолаттар гимназияларыгар үөрэнээччилэр төрөппүттэрин уопсай мунньаҕа ыытылынна. Бу мунньах инники үөрэх сылыгар оскуола уонна дьиэ кэргэн бииргэ үлэлээһинин сүрүн хайысхаларын чопчулаата.

Мунньах сүрүн тиэмэлэрэ:
• Үөрэх уонна иитии саҥа хайысхалара: Аммосова Е.Ф. 2026-2027 үөрэх сылыгар үөрэх уонна иитии процеһыгар киирэр саҥа ирдэбиллэр, уларыйыылар тустарынан сиһилии кэпсээтэ. Бу саҥалыы көрүүлэр оҕолор билиигэ тардыһар дьулуурдарын өссө күүһүрдэр, дьоҕурдарын толору арыйар сыаллаахтар.
• Оҕолор проектнай үлэлэрэ уонна олимпиадалар: Ефимова М. Е. үөрэнээччилэр проектнай үлэлэргэ кыттыылара уонна олимпиада хамсааһына оҕо толкуйдуур, айар дьоҕурун сайыннарарыгар, билиитин дириҥэтэригэр улахан оруолу ыларын бэлиэтээтэ. Бу хайысхаларга инники былааннар уонна ситиһиилэр тустарынан билиһиннэрилиннэ.
• Иитэр-үөрэтэр тэрээһиннэр торумнара: Колодезников У. В. билиҥҥи үөрэх сылыгар ыытыллыахтаах иитэр-үөрэтэр тэрээһиннэр торумнарын, оҕолор бары өттүнэн сайдалларыгар туһуламмытын билиһиннэрдэ. Ону тэҥэ, фонд үлэтин отчуота уонна гимназистар эбии дьарыктара көрүлүннэ.
• Төрөппүт иницииативаларын куонкурустара: Троева А.Н. төрөппүттэр көхтөөх кыттыылара оскуола олоҕор төһө суолталааҕын тоһоҕолоон, төрөппүт иницииативаларын куонкурустарыгар туһунан кэпсээтэ.
• Оскуола социальнай пааспарын билиһиннэрии: Мунньахха гимназия социальнай педагога Говорова Д.К. оскуола социальнай пааспарын сиһилии билиһиннэрдэ. Бу дьиэ кэргэн уонна үөрэнээччилэр социальнай туруктарын көрдөрөр докумуон оскуолаҕа көмөҕө наадыйар оҕолору өйүүргэ уонна кинилэргэ туһаайыллыбыт бырагыраамалары оҥорорго туһалаах.
• Психологическай тургутуктар: Психолог Мигалкина М. П. үөрэнээччилэргэ ыытыллыахтаах психологическай тургутуктар тустарынан кэпсээтэ. Бу тургутуктар оҕолор эмоциональнай уонна психологическай туруктарын быһаарарга, үөрэххэ үөрэниилэрин (адаптация) уонна майгыларын уратыларын үөрэтэргэ ананаллар.
• Библиотека суолтата: Андросова Р.В. оскуола библиотеката оҕо билии ыларыгар, ааҕар дьоҕурун сайыннарарыгар улахан оруолу ыларын туһунан кэпсээтэ. Ону тэҥэ, учебниктары харыстыырга төрөппүт көмөтө олус наада диэн бэлиэтээтэ.
Мунньах түмүгэр гимназия дириэктэрэ Рожин В.В. араас ыйытыыларга хоруйдары биэрдэ уонна мунньах кыттыылаахтарын санааларын иһиттэ.

Мунньахха 50 төрөппүт көхтөөхтүк кытынна. Ыйытыылары биэрдилэр, санааларын үллэһиннилэр. Салҕыы интернат иитэр үлэтин салайааччыта Оллонова Т. П. интернатка олорор оҕолор төрөппүттэрин кытта хаалан интернат үлэтин сыллааҕы былааны ырытыстылар, оҕолорго быйылгыттан интернат иһинэн куруһуоктар буолалларын иһитиннэрдэ, төрөппүттэр бэйэлэрин инициативаларынан оҕолор аһылыктарыгар уларыйыы кииирэрин туоһуластылар.

Бу мунньах ыытылларыгар кыттыспыт бары төрөппүттэргэ, учууталларга уонна дьаһалта үлэһиттэригэр истиҥ махталбытын тиэрдэбит! Инникитин даҕаны бииргэ үлэлэһэн, оҕолорбут сайдыытыгар төһүү күүс буолуоҕуҥ!

Бүгүн С.С. Васильев-Борогонскай аатынан киин библиотекаҕа "Уолан" гимназия 9-с кылааһын үөрэнээччилэрэ "Атомнай диктаҥҥа" көхтөөх кыттыыны ыллылар. Бу диктант атомнай энергетика, атомнай салаа историятын, билим ситиһиилэрин уонна аныгы технологиялар тустарынан билиини тургутарга уонна кэҥэтэргэ көмөлөһөр.

Бырайыак сүрүн кэрэхсэбиллээх Түһүмэҕинэн кыттааччылар научнай-популярнай хайысхалаах 20 ыйытыыга хоруйдары биэриилэрэ буолла. Сорох сорудахтар уһулукка (видеоҕа) суруллубуттар, ыйытыылары биллиилээх учуонайдар, космонавтар, уопсастыбаннай диэйэтэллэр уонна култуура эйгэтин үлэһиттэрэ биэрдилэр.

Ыйытыылар суруннээн атомнай энергетика, ядернай мэдиссиинэ, саҥа матырыйааллар, Арктиканы баһылааһын, космос куйаарын чинчийиилэр уонна сыыппара технологияларын туһунан буоллулар.
Биһиги уоланнарбыт бу сонун, кэскиллээх бырайыак көхтөөх кыттааччыларынан буоллулар.
Ол курдук Бурнашов Артур уонна Бурцев Александр элбэх сөптөөх эппиэти биэрэн, үрдүк бааллары ылан, дипломунан наҕараадаланнылар!

Киин библиотека үлэһиттэригэр уоланнары өйөөбүттэригэр махталбытын тиэрдэбит!

Наш дорогой учитель и замечательный наставник Сыроватская Сардана Николаевна одержала победу в престижном республиканском конкурсе «Лучший учитель-наставник РС(Я)»🌟🌟🌟
Большое спасибо всем за поддержку и активность! Вместе мы сила! ❤️

🌟Наш дорогой учитель и замечательный наставник Сыроватская Сардана Николаевна участвует в престижном республиканском конкурсе «Лучший учитель-наставник РС(Я)».
Давайте поддержим нашего любимого педагога и поможем ей одержать заслуженную победу! Важен каждый голос! ✊🏼Как проголосовать (это займет всего 1 минуту):
📲 Перейдите по ссылке и подпишитесь на страницу✅🗳 Найдите в списке Сыроватскую Сардану Николаевну и отдайте за неё свой голос!
Большое спасибо всем за поддержку и активность! Вместе мы сила! ❤️✨

2025-2026 үөрэх дьылыгар "Уолан" гимназия улахан ситиһиини оҥордо!

Гимназиябыт "Единая образовательная среда наставничества «Кынат» для развития гибких навыков у юношей" диэн бырайыагынан Өрөспүүбүлүкэтээҕи инновационнай площадка буолар быраабы ситистэ. Бу улахан бырайыакпыт дьоһун саҕалааһынын бүгүн гимназиябыт төрүттэммитэ 32 сылын туолар үөрүүлээх тэрээһинин чэрчитинэн бэлиэтээтибит.

Бу бырайыак сүрүн сыалынан билигин үөрэнэ сылдьар уолаттар бары өттүнэн сайдыылаах буолалларыгар, гимназиябыт выпускниктарын түмэн, биир эйгэни тэрийии буолар. Маныаха үөрэхтэринэн, олоххо сатабылларынан идэлэрин толору баһылаабыт выпускниктар уонна устудьуоннар тэрээһиннэргэ көхтөөхтүк кыттыахтара, идэҕэ туһаайар үлэ ыытыллыа (ол иһигэр үлэ миэстэлэригэр экскурсиялар). Бырайыак түмүгүнэн ыытыллыбыт үлэ уопутун түмэн тарҕатыы, араас пособиены таһаарыы уонна гимназия иитэн-үөрэтэн таһаарбыт уоланнарынан өйөбүллээҕин көрдөрүү буолуоҕа.

Бу бэлиэ күн эҕэрдэ тылларын эттилэр:

• Айыы Куо Николаевна Троева, бырайаак салайааччыта, дириэктэр сүбэһитэ.

• Прокопий Федотович Румянцев, “Мүрү нэһилиэгэ” тыа сирин түөлбэтин баһылыга, 2011 сыллааҕы выпускник.

• Федор Федорович Татаринов, Уус Алдан улууһун үөрэҕин салаатын начальнига, 2000 сыллааҕы выпускник.

Бырайыак гимназия олоҕор сонун хайысханы, үрдүк таһымы арыйыаҕа, уоланнарбыт кэскиллээх дьон буола улааталларыгар бигэ тирэх буолуоҕа.

Мүрүтээҕи уолаттар гимназияларыгар үгэс буолбут үс күннээх военнай- полевой сбор этэҥҥэ, ситиһиилээхтик түмүктэннэ!
Бу күннэр уолаттарбыт олохторугар хорсун быһыыны, дьулууру уонна биир сомоҕо буолууну көрдөрбүт ураты, умнуллубат кэмнэринэн буолар. Үс күн иһигэр уолаттарбыт эт-хаан уонна өй-санаа өттүнэн дьиҥнээх эр киһилии тургутууну аастылар.
Сарсыарда эрдэ туран, күн устата хамаанданан тохтоло суох үлэлээһин, сүүрүү, уһун хаамыылар уонна уустук мэһэйдэри туорааһын — уолаттарбытын өссө күүскэ сомоҕолоото, эрчимнээх дьарыкка уһуйда. Кинилэр кыайыыга дьулуһар күүстээх санааларын, тулуурдарын уонна бэрээдэктээх буолууларын үрдүк таһымҥа көрдөрдүлэр.
Бу тэрээһин көмөтүнэн оҕолорбут эр дьон буолар суолга биир улахан хардыыны инники бардылар. Кинилэр кэлэр өттүгэр дойдубут инники кэскилин эрэллээх харыстабыллара, эркиннэрэ буола улаатыахтара диэн бигэтик эрэнэбит!
Байыаннай-хонуу түмсүүтэ уолаттарбыт өйдөрүгэр-санааларыгар үйэ саас тухары хаалыаҕа, кинилэри күүстээх санаалаах, эппиэтинэстээх, дойдуларын таптыыр дьонунан иитэргэ көмөлөһүөҕэ.👏🦅

👍 В.В. Алексеев аатынан Мүрүтээҕи уолаттар гимназияларыгар билиҥҥи кэмҥэ тоҕоостоох хайысхалаах “Медиа-сайын” лааҕыр ситиһиилээхтик үлэлээтэ. Гимназия оҕо сынньалаҥын тэрийиигэ техническэй ис хоһоонноох үлэтин уопутун сайыннаран, быйылгы лааҕыр үлэтэ-хамнаһа саҥалыы тыыннаан тэриллибитэ кэрэхсэбиллээх.

Лааҕыр үлэтин сүрүн тосхолунан оҕо самаан сайыҥҥа дуоһуйа-астына сынньанарын быыһыгар аныгы технология эйгэтигэр айар медиа сатабылларыгар үөрэниитэ буолар. Ол курдук сүрүннээн информацияны видео, аудио, ойуу эбэтэр тиэкис халыыбыгар оҥорон таһаарыы – контент оҥоһуута буолар. Оҕолор контент бэрт элбэх үлэттэн ситэн-хотон тахсарын өйдөөтүлэр. Кинилэр хаартыскаҕа уонна видеоҕа түһэрии, видеоны уларытыы (редактирование), медиа-контены толкуйдаан, айан таһаарыы, дьон болҕомтотун тардар гына саҥарыы кистэлэҥнэригэр үөрэннилэр. Өссө инники олохторугар олус наадалаах хамаандаҕа үлэ үөрүйэхтэрин иҥэриннилэр. Хас биирдии оҕо тус бэйэтэ медиа-бырайыак оҥорон көмүскээтэ. Лааҕыр хас биирдии күнэ чааһыгар тиийэ торумнанан элбэх дьарык, ыалдьыттары кытта көрсүһүү, күрэхтэһии, о.д.а. тэрээһин ыытыллан ый аҥара биллибэккэ элэс гынна. Биллэн турар, саҥа доҕоттор, саҥа санаалар, саҥа ырыалар оҕолорго умнуллубат өйдөбүл буоллахтара.

Сиһилии “Уолан” түмэл эйгэ салайааччыта Наталия Бурцева
⬇️
БАТТАА

📲Мах-каналбытыгар сурут
⬇️
https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU

🌐https://мюрюгазета.рф/

✅ @uamurusahargata @ulusmedia