Мүрү 1-гы №-дээх уонна Мүрү 2-с №-дээх орто оскуолатын 9-10 кылаас оҕолоро балаҕан ыйын 19-20 күннэригэр буолар «Ыччат уонна оҕолор» национальнай бырайыак чэрчитинэн Бүтүн Арассыыйатааҕы быыһыыр оскуола этэрээттэрин III күрэһин уокуруктааҕы түһүмэҕэр кытта Хабаровскайга туруннулар.

Бу күрэскэ барыта 11 регион кыттара күүтүллэр. Уокуруктааҕы бастакы түһүмэх түмүгүнэн Саха сириттэн түөрт этэрээт ыҥырыллыбыта.

Ол иһигэр улахаттарга (16-17 саастаахтарга) биһиги улуус Мүрү 1-гы №-дээх оскуолатын хамаандата уонна Мэҥэ Хаҥалас, Үөһэ Бүлүү улууһун хамаандалара, оттон кыраларга (14-15 саастаахтарга) Мүрү 2-с №-дээх орто оскуолатын хамаандата кыттар чиэһи ылбыттара. Салайааччы «Оҕо саас сирдьиттэрэ» улуустааҕы координатора Мария Винокурова буолар.

Күрэскэ кытта барар оҕолору улуус баһылыга Василий Алексеев уонна Үөрэх салалтатын начаалынньыгын солбуйааччы Иван Никонов көрсөн, сүбэ, алгыс тылларын этэн атаардылар. Оҕолорбутугар ситиһиини баҕарыаҕыҥ!

✍️Мария Аргунова

‎📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia