👏Дьокуускай куоракка атырдьах ыйын чаҕылхай күннэрэ үөрэх эйгэтигэр улахан ситиһиилэри бэлэхтээтилэр. Үөрэх үлэһиттэрин атырдьах ыйынааҕы мунньаҕын чэрчитинэн икки бөдөҥ тэрээһин – «СахаЛето-2026» идэтийбит бэстибээл уонна «Үүнүү-2026» өрөспүүбүлүкэтээҕи быыстапка-күрэс ыытылынна. Бу былаһааккалар оҕону сайыннарыыга педагогическай саҥаны киллэриилэр, оҕо айар дьоҕура уонна үлэнэн иитии холобурдара буоланнар, 2026 сыллааҕы сайыҥҥы доруобуйаны бөҕөргөтөр сезон бэлэмнээҕин үрдүк таһымҥа көрдөрдүлэр.

Уус Алдан улууһун үөрэх эйгэтин хамаандаларын кыайыылара – улахан киэн туттуубут:
- «Оҕо – култуура киинигэр» номинацияҕа кыайыылааҕынан В.Д. Лонгинов аатынан Бээрийэ орто оскуолатын талааннаах педагогун Нь.В. Атласова үлэтэ – “Туосчут” лааҕыр (оскуола дириэктэр Н.И. Васильева) ааттанна. Тэрийээччи С.Н. Слепцов уонна лааҕыр начаалынньыга М.П. Турантаева сүҥкэн кылааттарын киллэрдилэр;
- Мүрүтээҕи эдэр натуралистар станцияларыттан «Эколята» үөрэтии-чэбдигирдии сайыҥҥы лааҕыра иитии бырагырааматын иһин «Ситиһиилээх кыттыы иһин» дипломунан наҕараадаланна (директор Т.Д. Шамаева).

Үөрэх уонна наука министиэристибэтэ уонна «Саха оҕото» Ресурснай киин тэрийбит «Үүнүү-2026» быыстапкаҕа өрөспүүбүлүкэ 28 агрооскуолата кытынна.

Айылҕаны кэтээн көрөр эдэр натуралистар станцияларын хамаандата бары хайысхаҕа чаҕылхайдык кыттан маастарыстыбатын итэҕэттэ:

- оҕуруот аһын уонна хортуоппуйу үүннэриигэ – I миэстэ;
- араас уонна отонноох култууралар – II миэстэ;
- экзотическай уонна эмтээх үүнээйилэр – I миэстэ;
- дьэрэкээн үүнээйини олордуу уонна ландшафт дизайна – II миэстэ;
- “Күһүҥҥү баал” – II миэстэ (айылҕа бэлэхтэринэн авангард муода).

Ити курдук кытаанах киирсии түмүгүнэн станция «Үүнүү-2026» өрөспүүбүлүкэтээҕи күрэс муҥутуур кыайыылааҕынан буолла!

✍️ Сиһилии Светлана Сен-Дун-Шен
⬇️
МЮРЮГАЗЕТА.РФ

📲 Мах-каналбытыгар сурут
⬇️
https://max.ru/channel_ua_murusahargata

✅ @uamurusahargata @ulusmed