Улууспут хамаандата «Якутия, вперёд!» күрэскэ кыттар

👍 Ил Дархан Айсен Николаев ыйааҕынан 2023 сылтан ыытыллар «Якутия, вперёд!» республикатааҕы күрэскэ кыттарга сахабыт сирин араас муннуктарыттан барыта 49 хамаандаттан сайаапка киирбит.

Балаҕан ыйын 9 күнүгэр күрэс экспиэрдэрин хамыыһыйатын быһаарыытынан 35 хамаанда полуфиналга киирбитэ.

Экспиэрдэр хамаандалар төһө түмсүүлээхтэрин, инники үлэҕэ бэлэмнэрин уонна тургутук түмүгүн учуоттаабыттар.  
👍 Манна биһиги улууспут хамаандата полуфиналга киирэн кытта сылдьар. Ол курдук хамаандаҕа Бэрт Ууһун нэһилиэгин баһылыга Илья Ильин, улуус дьаһалтатын Дьиэ кэргэн политикатын сайыннарыыга отделын кылаабынай исписэлииһэ, «Биир ньыгыл Россия» баартыйа улуустааҕы салаатын сэкирэтээрэ Кюннэй Рощина, улуустааҕы култуура салалтатын кылаабынай исписэлииһэ Анна Гаврильева, улуустааҕы кииннэммит бибилэтиэкэ сүрүннүүр бибилэтиэкэрэ Сахаайа Копырина, улуустааҕы нэһилиэнньэ көмүскэллээх буолуутун биир кэлим киинин социальнай педагога Майя Ноговицына бааллар.
  
Күрэс финалга сүүмэрдиир суолталаах түһүмэҕэ бу ый 23-26 күннэригэр буола турар. Манна хамаандалар киэҥ бырагыраамалаах тэрээһиннэргэ кытталлар: стратегическай, панельнай сессиялар, дьыалабыай оонньуулар, бырайыактыыр үлэ, экскурсиялар уо.д.а.

✍Мария Аргунова

Сиһилии ↩

‎📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia