🏛️СР култуура сылынан" И. П. Готовцев аатынан Тандатааҕы история уонна архитектура музейыгар үлэлээбит дьоммут туһунан кэпсиибит..." рубрика
Колодезникова Ефросиния Константиновна 2000-2021 сылларга Танда музейыгар үлэлээбитэ. Хара маҥнайгыттан музей үлэтэ үрдүк таһымҥа тахсарыгар бары санаатын түмпүтэ.
Бастакы улахан ситиһии музей коллективын кытта сүбэлэһэн бырайыактыыр үлэҕэ кыттыы буолбута. Ол курдук 2000 сыллаахха бырайыактыыр үлэҕэ ситиһиилээхтик кыттан, СР Президенын Гранын ылыы үөрүүтэ тосхойбута. Итинтэн кынаттанан бииртэн биир сонун үлэ хайысхаларын тобулан, үлэ - хамнас күөстүү оргуйбута...
Музей экспонаттара сааһыланан, бэрээдэктэнэн анал ситим тиһигэр киирбиттэрэ. Олохтоох нэһилиэнньэ ортотугар кэрэхсэбиллээх тэрээһиннэр: видеосалон, музейнай пикниктэр, көрсүһүүлэр, экскурсиялар буолаллара.
Ефросиния Константиновна наҕыл куолаһынан олус дириҥ ис хоһоонноох кэпсээнин музейга кэлбит ыалдьыттар, сылдьыбыт дьон сэҥээрэн истэллэрэ. Кинилэр биһиги нэһилиэкпит историятын туһунан элбэҕи билэн, көрөн - истэн, билиилэрэ кэҥээн бараллара.
Ефросиния Константиновна билиитин дьоҥҥо элбэхтик үллэстэрэ, олус үчүгэй суруксут этэ. Кини ыстатыйалара, ону ааһан айымньылара улуус хаһыатыгар бэчээттэнэллэрэ. Байаҕантай нэһилиэгин историятын сыныйан үөрэтэн, 2009 сыллаахха "Байаҕантай уонна байаҕантайдар" диэн кинигэ бэчээттэнэн тахсыбыта. Онно кини өҥөтө улахан.
Араас таһымнаах научнай конференцияларга өрүү ситиһиилээхтик кыттара. Ол курдук 2012 сыллаахха Москваҕа аан дойдутааҕы конференцияҕа "Миссия Русской Православной Церкви в Сибири и на Аляске" диэн дакылаата биһирэммитэ.
Научнай үлэҕэ Танда орто оскуолатын үөрэнээччилэрин кытта элбэхтик үлэлээбитэ. Кини салалтатынан элбэх оҕо "Инникигэ хардыы" научнай практическай конференцияҕа дакылаат ааҕан ситиһии чыпчаалын билбиттэрэ.
Ефросиния Константиновна улахан патриотическай өйдөөх - санаалаах киһи этэ. Төрөөбүт дойдутун историятын туһунан республика киэҥ эйгэтигэр, НВК анал биэриитигэр сиһилии кэпсээбитэ дьон сэргэ сэҥээриитин ылбыта. Элбэх мөккүөрдээх да боппуруостары олус чуолкайдык быһаарсара...
Кини айымньылаах үлэтин түмүгэр 2013 сыллаахха М. Ф. Габышев аатынан "Лучший сотрудник музея" диэн СР Президенин бириэмийэтин ылбыта.
Ефросиния Константиновна онон Танда музейын историятыгар уһун сылларга өлбөт- сүппэт суолу - ииһи хаалларбыта. Кини туһунан сырдык өйдөбүл умнуллуо суоҕа
Колодезникова Ефросиния Константиновна 2000-2021 сылларга Танда музейыгар үлэлээбитэ. Хара маҥнайгыттан музей үлэтэ үрдүк таһымҥа тахсарыгар бары санаатын түмпүтэ.
Бастакы улахан ситиһии музей коллективын кытта сүбэлэһэн бырайыактыыр үлэҕэ кыттыы буолбута. Ол курдук 2000 сыллаахха бырайыактыыр үлэҕэ ситиһиилээхтик кыттан, СР Президенын Гранын ылыы үөрүүтэ тосхойбута. Итинтэн кынаттанан бииртэн биир сонун үлэ хайысхаларын тобулан, үлэ - хамнас күөстүү оргуйбута...
Музей экспонаттара сааһыланан, бэрээдэктэнэн анал ситим тиһигэр киирбиттэрэ. Олохтоох нэһилиэнньэ ортотугар кэрэхсэбиллээх тэрээһиннэр: видеосалон, музейнай пикниктэр, көрсүһүүлэр, экскурсиялар буолаллара.
Ефросиния Константиновна наҕыл куолаһынан олус дириҥ ис хоһоонноох кэпсээнин музейга кэлбит ыалдьыттар, сылдьыбыт дьон сэҥээрэн истэллэрэ. Кинилэр биһиги нэһилиэкпит историятын туһунан элбэҕи билэн, көрөн - истэн, билиилэрэ кэҥээн бараллара.
Ефросиния Константиновна билиитин дьоҥҥо элбэхтик үллэстэрэ, олус үчүгэй суруксут этэ. Кини ыстатыйалара, ону ааһан айымньылара улуус хаһыатыгар бэчээттэнэллэрэ. Байаҕантай нэһилиэгин историятын сыныйан үөрэтэн, 2009 сыллаахха "Байаҕантай уонна байаҕантайдар" диэн кинигэ бэчээттэнэн тахсыбыта. Онно кини өҥөтө улахан.
Араас таһымнаах научнай конференцияларга өрүү ситиһиилээхтик кыттара. Ол курдук 2012 сыллаахха Москваҕа аан дойдутааҕы конференцияҕа "Миссия Русской Православной Церкви в Сибири и на Аляске" диэн дакылаата биһирэммитэ.
Научнай үлэҕэ Танда орто оскуолатын үөрэнээччилэрин кытта элбэхтик үлэлээбитэ. Кини салалтатынан элбэх оҕо "Инникигэ хардыы" научнай практическай конференцияҕа дакылаат ааҕан ситиһии чыпчаалын билбиттэрэ.
Ефросиния Константиновна улахан патриотическай өйдөөх - санаалаах киһи этэ. Төрөөбүт дойдутун историятын туһунан республика киэҥ эйгэтигэр, НВК анал биэриитигэр сиһилии кэпсээбитэ дьон сэргэ сэҥээриитин ылбыта. Элбэх мөккүөрдээх да боппуруостары олус чуолкайдык быһаарсара...
Кини айымньылаах үлэтин түмүгэр 2013 сыллаахха М. Ф. Габышев аатынан "Лучший сотрудник музея" диэн СР Президенин бириэмийэтин ылбыта.
Ефросиния Константиновна онон Танда музейын историятыгар уһун сылларга өлбөт- сүппэт суолу - ииһи хаалларбыта. Кини туһунан сырдык өйдөбүл умнуллуо суоҕа