Күндү иитээччилэр, кэнчээри ыччат кэскилин туһугар күннэтэ кыһаллар бар дьоммут, ветераннар!

Эһигини Чурапчы улууһун үөрэҕин салалтатын, улуус үөрэҕин үлэһиттэрин идэлээх созтарын ааттарыттан Иитээччи күнүнэн ис сүрэхтэн эҕэрдэлиибит!

Оҕо диэн — буор куппут уйата, салгын куппут сарсыардата, ийэ куппут инники эрэлэ.
Оттон эһиги — ол кэскили түстүүр, сырдыкка-кэрэҕэ угуйар үрдүк аналлааххыт.
Эһиги сыралаах үлэҕит — үйэлэргэ хаалар тутуу кэриэтэ. Оҕо дууһатыгар сиэр-майгы чиҥ акылаатын түһэрэр, билиигэ-көрүүгэ тардыһыы кыымын уматар улуу суолталаах идэлээххит.

Хас биирдии оҕону күннэтэ иитэн-үөрэтэн, билиини-көрүүнү иҥэрэн, кэрэҕэ-сырдыкка угуйан, үтүө дьон буолан, үүнэн-сайдан тахсалларыгар эппиэтинэстээх, түбүктээх үлэҕит иһин барҕа махталбытын тириэрдэбит!

Бу бырааһынньык күн
оскуола иннинээҕи үөрэхтээһин араас кэрдиис кэмнэригэр сүрэхтэрин сылааһын оҕоҕо, истиҥ тапталларын кэлэр кэскилбит туһугар  анаабыт ытык ветераннарбытыгар чэгиэн доруобуйаны, чэбдик санааны, оҕолорбут тустарыгар күннэтэ түбүгүрэр күндү иитээччилэргэ, уһуйаан бары үлэһиттэригэр сыраны эрэйэр үтүө үлэҕитигэр өрө көтөҕүллүүнү, элбэх ситиһиини. Оҕо аймах мичээрэ, кинилэр ситиһиилэрэ, төрөппүт махтала — эһиги сыралаах үлэҕит бастыҥ наҕараадата буоллун.
Саха норуота сайдарын туһугар, кэнчээри ыччаппыт кэскилэ кэҥии турдун!

Эҕэрдэни кытта Үөрэх салалтатын начальнига Ю.П. Посельскай, үөрэх үлэһиттэрин идэлээх союзтарын комитетын бэрэсэдэтэлэ Е.И. Давыдов