🍂🍁🍂🍁🍂🍁🍂🍁🍂
Сэбирдэх ардаҕа

Сиккиэр тыал сүүрүгэр олорсон
Сэбирдэх ардаҕа таммалыыр,
Күммүт күлүмнэс күөнүгэр
Көрүлүү-көччүйэ үҥкүүлүүр.

Биир курус тыынынан суккуллан
Суугуӈӈа суулана тыргыллан
Сир үрдүн киэргэтэ тэлгэнэн
Балысхан үөрүүнү бэлэхтээн.

Элиэтии дугуна дайаннар
Эргийэ уйдаран ылаллар.
Эриэккэс түгэни үөскэтэн
Эйэргии кыымнарын ыһаллар

Дьиктилээх бу мааны көстүүттэн
Мин уйан сүрэҕим долгуйар
Махтанар сэбирдэх тойугар
Дьоллонор иһирэх алыптан.

Арылы