ДЫУУÆ БОЦКЪАЙЫ
ГӔДИАТЫ Секъа
Дыууæ боцкъайы тылд,
Иу афтид уыд, иннæ — 'дзаг.
Афтид схъиудтытæ кодта,
Уæддæр нæ фæци фыццаг.

 * * *
Топпы цæф тагъд дзæбæх кæны,
Æвзаджы цæф — æрæгмæ.
Фыдæвзагæй бæстæ хæлы, —
Макуы йæ 'рхæсс дæ сæрмæ.

* * *
Ахуыргæнæгмæ хъус,
Дæ бонтæй иу дæр ма саф.
Хуысгæ-иу кæн цъус,
Дзæгъæлы дæр-иу ма каф.

РÆДАУ ÆМÆ ЧЪЫНДЫ
Рæдау лæгмæ йæ фыдгул дæр
Хæлар вæййы кæддæриддæр.
Чъынды лæгмæ йæ хъæбул дæр
Хæрам вæййы кæмдæриддæр.