🔹 Июньнуң 2-ден 16-га чедир тускай сорулгалыг өөредилгеже хүлээп алыышкын кампаниязы чоруп турар. «Россияда ажыл» чаңгыс аай сан-чурагай платформазында (https://trudvsem.ru/)' rel='nofollow' target='_blank'>trudvsem.ru/) тускай сорулга-биле өөренириниң дугайында керээлер чарарынче билдириишкиннер хүлээп алыышкыны уламчылавышаан. Республиканың ажыл берикчилеринге бо дээрге тодаргай хереглелдеринге дүгжүп турар специалистерни белеткээриниң эптиг аргазы болур. Тускай сорулгалыг өөредилге келир үениң ажылдакчызын дээди өөредилге черин азы ортумак тускай өөредилге черин доозарынга чедир бүдүрүлгеге быжыглаарын, ол ышкаш бүдүрүлгениң боттуг хереглелдери-биле кадрларны белеткээрин болгаш оларның чедишпезиниң айтырыын шиитпирлээрин хандырар.

Тускай сорулгалыг өөредилге хереглелдиг мергежилдерге эртем-билигни чедип ап, доозуптарга өөредип чоруткан ажыл берикчизи таварыштыр ажылга тургустунар арганы доозукчуларга бээр.

Билдириишкинни дужаарда, «Россияда ажыл» платформада «Тускай сорулгалыг өөредилге» кезекче киргеш, «Конкурстуг бөлүктер» деп бөлүкте хереглээни «Тодараттынган олуттар» деп чүүлдү шилип алгаш, «Саналды киирер» деп бижикти базар.

Республикада ажыл берикчилери тускай сорулгалыг чыылданың ачызында, эң хереглелдиг мергежилдерниң кадрлар курлавырын тургузуп турар. Бо чылын янзы-бүрү өөредилге адырларында ниитизи-биле 259 тускай сорулгалыг олуттар көрдүнген. Тускай сорулгалыг квотаны анализтеп көөрге, эмчи мергежилдеринге эң хөй олуттар аңгылаттынган: эмнээшкин херээнде – 39, педиатрияда – 32, стоматологияда – 8, эмчи-профилактиктиг херекке – 6 олут. Ол ышкаш тускай эмчи мергежилдеринге ординатура өөредилгези база бар.
Агроүлетпүр комплекизинде база улуг хереглел бары демдеглеттинген: агрономия – 15, зоотезния – 13, көдээ ажыл-агый продкуциязының бүдүрүлгези болгаш болбаазырадылга технологиязы – 10 олуттарны чагаан.

Өске негеттинип турар угланыышкыннар аразында библиотека-информация ажыл-чорудулгазы (15 олут), экономика (14), юриспруденция (12), архитектура (7), психология-педагогика өөредилгези (6), арга-арыг ажыл-агыйы (6) бар.

Бо медээлер республикада кадык камгалал, көдээ ажыл-агый, экономика, эрге-хоойлу, тудуг болгаш өөредилге талазы-биле специалистерге хереглел ам-даа улуг дээрзин көргүзүп турар.

Июньнуң 16-ның соонда «Россияда ажыл» чурттакчы чонну ажылче хаара тудар төптүң кадрлар албанының порталында тускай сорулгалыг өөредилге олуттары, өөредилгеже чагыкчыларның болгаш дужаап кирериниң негелделериниң дугайында тодаргай медээлер-биле таныжып болур.

Тыва Республиканың Экономиктиг сайзырал яамызы 2026 чылдың хүлээп алыышкын кампаниязынга киржип четтигер дээш билдириишкиннерни дүрген дужаарынче бүдүрүлге болгаш организациялар удуртукчуларын кыйгырган.