Чуашстан татарлары - Татары Чувашии

🕯️ Өчбалтай авылында зур кайгы...

Бүген Өчбалтай авылында туып-үскән, махсус операциядә һәлак булган герой егетләребезне соңгы юлга озаттык.

Дусларны сайламыйлар, диләр. Ләкин бу икесе — офицер-лейтенант Раил Әмир улы Батанов һәм өлкән укчы ефрейтор Илвир Тәуфикъ улы Сейфутдинов — бер-берсен үзләре сайлаган: беренче сыйныфта, бер парта артында. Шуннан соң алар бергә үстеләр, бергә өлгерделәр дә, мобилизация башланганның беренче көненнән икесе бергә сугыш юлын үттеләр.

Язмыш аларны бер сәгатьтә үк алып китте. Бу — аларның дуслыгының иң тирән символы: алар бер-берсез яши алмас иде.

Безнең өчен алар барыбыз өчен дә якын һәм кадерле иделәр. Бу югалтуның ачысы бик тирән. Хәтердә алар гел елмаеп, шаярып торган малайлар булып калачак.

Раил, Илвир! Сез безнең йөрәкләрдә мәңге яшәячәксез. Яткан җирләрегез җиңел булсын, егетләребез...

Якыннарына сабырлык, көч һәм түземлек телибез.

🕊️ Мәңгелек хәтер...

Чуашстан мөселманнары Диния Нәзарәте рәисе Мансур хәзрәткә туганнары һәм якыннары исеменнән егетләребезнең мәетләрен тиз арада туган якка кайтаруда ярдәм иткәнегез өчен чын күңелдән рәхмәт белдерәбез! Аллаһы Тәгалә изге гамәлләрегез өчен сезне әҗерләндерсен. Битараф калмавыгыз өчен зур рәхмәт!

Хөрмәтле милләттәшләр!
"Ниме-народный бюджет" - инициативное бюджетирование программасында проектлар өчен тавыш бирү бара һәм соңгы ике көн калды!!!
Бу программа безнең туган авылларыбыз урамнарын яңарту, яхшырту һәм матурлату өчен уникаль мөмкинлек.
Әмма, ике атна тавыш бирү барышында, татар авыллары, әлегә бик актив түгел.
Программаның катгый шартлары нигезендә, республика бюджеты акчалары бары тик халкы максималь активлык күрсәткән авылларга гына бүленә.
Әгәр дә без кирәкле тавыш җыя алмасак, безнең авыллардагы объектлар гамәлгә ашыруга кертелмәячәк. Финанслау башка авылларга, районнарга китәчәк, ә без- авыз ачып калачакбыз...
Авылларыбызның төзекләндерү язмышы бары тик безнең кулда!
Зинһар, «бер тавыш бернәрсә дә хәл итмәс»дип уйлап, читтә калмагыз!
Һәрбер тавыш хәл итә! Хәзер үк нәрсә эшләргә кирәк:
сылтама буенча күчегез:
https://online.cap.ru/initiative-projects/voting/municipalnye-okruga/
«Госуслуги» платформасы аша Авторизацияләнегез. Объектыгызны сайлагыз һәм «тавыш бирергә»басыгыз. Бер кеше үз районында бер проект өчен генә тавыш бирә ала. Башка район авылларының проектлары өчен һәр районга бер тавыш биреп була.
Тагын бер мәртәбә исегезгә тешерәм, тавыш бирү 2 октябрьгә кадәр генә дәвам итәчәк.
Зинһар, үзегез тавыш бирегез һәм моны күршеләрегездән, туганнарыгыздан һәм дусларыгыздан сорагыз. Әйдәгез, үз авылыбызны яратуыбызны һәм аны төзек, уңайлы һәм матур итеп күрергә теләгебезне эш белән исбатлыйк!
Хөрмәт белән, Чуашстан татарларының милли-мәдәни берләшмәсе рәисе Әгьзам Шакиров.

❗️❗️❗️Игълан

Чуашстан Мөселманнары Диния Нәзарәте каршындагы «Гөлестан» мәдрәсәсе — дини-һөнәри белем бирү уку йортында укулар БАШЛАНДЫ.

Шулай ук яңа уку елына кабул итү дәвам итә!

Мәдрәсәбез Чуашстанның Батыр муниципаль округына керүче Шыгырдан авылында, Ленин урамы, 60 нчы йортта урнашкан.

Без сезне читтән торып (заоч) түбәндәге юнәлешләр буенча укырга чакырабыз:

✧ Имам-хатыйб — ир-атлар өчен;
✧ Ислам фәннәре укытучысы — хатын-кызлар өчен.

Гариза бирү өчен кирәкле документлар:
✔ паспорт күчермәсе;
✔ ике данә 3×4 үлчәмендәге фотография;
✔ урта белем (яки югары белем) турында аттестат яки диплом.

Укуга Чуашстанда гына түгел, ә башка төбәкләрдә яшәүче дин кардәшләребез дә чакырыла. Ерактан килүчеләр өчен уңайлы ятакана белән тәэмин ителә.

Уку дәвере — 3 ел 8 ай (4 курс). Уңышлы тәмамлаган һәр тыңлаучыга урта һөнәри белем турында дәүләт тарафыннан танылган диплом тапшырыла.

Мөһим вакытлар:
📍 документларны кабул итү 17 октябрьгә кадәр дәвам итә.

Мәдрәсәбезнең почта адресы:
с. Шыгырдан, ул. Ленина, 60.

Теләсә нинди сораулар буенча безнең белән элемтәгә керегез:

📞 +7 (952) 759-48-32 — Илдар хәзрәт Чәчәков
📞 +7 905 342-19-84 — Фердания ханым Әхмәдиева

Белем — нур, дин — яктылык!
«Гөлестан» мәдрәсәсе сезне көтә.

Бу моңлы, сагышлы һәм патриотик рухлы җыр текстының авторы — якташыбыз, Озын Куак авылы егете, бүгенге көндә Буа районының Ташкичү авылында яшәүче Ринас Яфизов.
Җыр сугышта һәм махсус операциядә һәлак булган, туган җиренә әйләнеп кайта алмаган батырлар истәлегенә багышлана.

Хөрмәтле өлкәннәребез! 🌷

Чуашстан татарлары милли-мәдәни берләшмәсе исеменнән сезне Халыкара өлкәннәр көне белән ихлас күңелдән котлыйбыз!

Сез — безнең терәгебез, акыллы киңәшчеләребез, гаилә һәм милләт традицияләрен саклаучы буын. Сезнең гомер тәҗрибәгез, сабырлыгыгыз һәм җылы йөрәгегез яшь буын өчен үрнәк. Сезнең хезмәтегез өчен чиксез рәхмәтлебез.

Сезгә нык сәламәтлек, озын гомер, бәхет, тынычлык, гаилә җылысы һәм якыннарыгызның хөрмәтен телибез. Һәр көнебез сезне игътибар һәм кайгырту белән урап алсын!

Бәйрәм белән, кадерле өлкәннәребез! 🌿💐

Шигърият халыкларны берләштерә.

📚 Урмай авыл китапханәсе укучылары Бөтенроссия «Дуслык утлары» («Костры дружбы») конкурсында катнашты.

Конкурс Россия халыклары бердәмлеге елы һәм Чувашия Республикасында халыклар дуслыгы елы уңаеннан үткәрелде. Оештыручылар – Чувашия Республикасы Мәдәният министрлыгының Милли китапханәсе, Чувашия Республикасы театр эшлеклеләре берлеге һәм Чувашия милли конгрессы каршындагы чуаш теле һәм әдәбияты укытучылары ассоциациясе.

«Россия халыклары бердәмлеге һәм дуслыгы турында язучы әсәре (рус телендә)» номинациясендә Урмай урта мәктәбенең 5б сыйныф укучысы Адиева Азалия 3 нче урынны яулады. 7 нче сыйныф укучысы Гайнетдинов Йосыф катнашучы сертификаты алды.

Бүләкләү тантанасыннан соң Чуаш радиосы эфирында шигырьләр яңгырады. Азалия керешне рус телендә Рәсүл Гамзатовның «Ләгънәт» шигырен укып ачты. Туган телдә әсәр укырга сорагач, ул Габдулла Тукайның «Милли моң» шигырен башкарды. Бу мизгел тапшыруның якты бизәге булды: бер эфирда дагестан һәм татар мәдәниятләре очрашты, ә шигърият кешеләрне берләштерүен күрсәтте.

Хөрмәтле тәрбиячеләр!

Чуашстан татарлары милли-мәдәни берләшмәсе исеменнән сезне һөнәри бәйрәмегез — Мәктәпкәчә белем бирү хезмәткәрләре көне белән ихлас котлыйбыз!

Сез — иң изге һәм җаваплы һөнәр ияләре. Сезнең кулларыгызда безнең киләчәгебез — яшь буын тәрбияләнә. Сез балаларга игелек, хөрмәт, туган телгә һәм мәдәнияткә мәхәббәт тәрбиялисез. Сезнең сабырлыгыгыз, намуслы хезмәтегез һәм җылы йөрәгегез өчен чын күңелдән рәхмәт белдерәбез.

Безнең берләшмә милли традицияләрне саклауга һәм үстерүгә зур игътибар бирә. Тәрбиячеләрнең бу эштә тоткан урыны аеруча мөһим: нәкъ менә сез балаларга туган телне, милли гореф-гадәтләрне һәм әхлакый кыйммәтләрне җиткерәсез. Сезнең хезмәтегез безнең уртак мәдәни мирасыбызны саклап калуга зур өлеш кертә.

Сезгә нык сәламәтлек, бәхет, иминлек һәм иҗади уңышлар телибез. Хезмәтегез һәрвакыт хөрмәткә һәм бәяләүгә лаек булсын!

Хөрмәтле якташлар, кадерле милләттәшләр!
‎ Көзнең әле беренче ае гына тәмамланып килсә дә, көннәр кичкә авыш, көзләр кышка авыша. Көз ул уңыш җыяр чак. Халкыбыз, гасырлар дәвамында тупланган тарихи тәҗрибәсеннән чыгып, чебиләрне көзлеген саныйлар дигән бит. Чуашстан татарлары өчен дә бу көннәрдә бердәмлек күрсәтеп, уңышларыбызны раслау вакыты җиткән икән. Эш менә нидә, туганнар:
‎ Казанда редакциясе урнашкан Миллиард. татар дип аталган интернет платформа берничә ел рәттән ел татарын сайлый. Дөресрәге, аны халык үзе сайлый. Анда ел җыры да, ел җырчысы да, ел спортсмены да, гомумән күп төрле өлкәләрдән, ел дәвамында уңышка ирешкән татарлар сайлана.
‎ Быел исә ел укытучысы һәм елның иң әйбәт татар мәктәбе өчен дә тавыш бирү мөмкин. Чуашстанда Тукай авылы мәктәбе "Ел мәктәбе" исемлегенә кертелгән. Чараны оештыручылар моны мәктәпнең 150 еллык тарихы белән дә, авыл, мәхәллә белән тыгыз элемтәдә торулары белән дә, милли мохит, рух, үзаң тудырырлык милли мәктәп булуы белән бәйлә.
‎ Шулай ук, Шыгырданның беренче урта мәктәбе директоры Гөлсирин Абәйдуллова "Ел укытучысы" исемлегенә кертелгән. Гөлсирин ханым татар теле һәм әдәбияты укытудан тыш, Республикабыздагы иң зур татар мәктәбен егерме елга якын җитәкли. Мәктәпнең милли җанлы, татар телле, татар рухлы булуы турыдан-туры аңа бәйле.
‎ Бу ике исемлеккә Тукай мәктәбе дә, Гөлсирин Абәйдуллова да үзәге Казанда урнашкан Татар теле укытучылары ассоцияциясе тарафыннан күрсәтелгән.
‎ Хәзер тавыш бирү бара. Без сезне якташыбыз Гөлсирин Абәйдуллова һәм Тукай мәктәбе өчен тавыш бирергә чакырабыз. Бу хәбәрне якыннарыгызга, туганнарыгызга, таныш-белешләрегезгә дә җиткерсәгез иде.
‎ Сез, барыгызда, берәрсенә бәла-каза килгәндә бердәм булып ярдм итәсез, өмәләр үткәрәсез. Бүген исә шатлыклы вакыйга өчен, Казан белгечләре үзләре тәкъдим иткән якташларыбыз өчен тавыш бирсәк иде.
‎ Тукай авылы мәктәбе өчен (исемлектә иң аста) сылтама:
‎ https://m.vk.ru/poll-202371705_1081945242?country=0&city=0&sex=0&age=0&friends=0
‎ Гөлсирин Абәйдуллова өчен (исемлектә 7 номерлы) сылтама:
‎https://m.vk.ru/poll-202371705_1082093097

Хөрмәтле Вазых Нигьмәтҗан улы!

Чувашстан татарлары милли-мәдәни берләшмәсе исеменнән Комсомол муниципаль округы Чичкан авылында яшәүче педагогик хезмәт ветераны - укытучы Галеев Вазых Нигьмәтҗан улын 90 яшьлек юбилее белән котлыйбыз!
Гомер юлыгызда зур хезмәт, тирән белем һәм сабырлык белән яшь буынны тәрбияләп, сез күп буын укучыларга белем нуры өләшкәнсез. Сезнең укытучылык осталыгыгыз, кешелеклелегегез һәм акыллы киңәшләрегез безнең өчен мәңге үрнәк булып кала.
90 яшь — ул зур гомер тәҗрибәсе, зирәклек һәм хөрмәт билгесе. Сезгә нык сәламәтлек, озын гомер, бәхетле көннәр, якыннарыгызның җылылыгы һәм игътибарын телибез. Гомер кичләрегез тыныч, күңелегез шат булсын!

Бүген күп еллар Чурачык, Чичкан, Шорт мәктәпләрендә укыткан мөхтәрәм ветеран укытучы Галиев Вазыйх Нигъмәтҗан улының 90 яшьлек юбилее.

Хөрмәтле Вазыйх абый! Сезне Чуашстан татарлары милли-мәдәни берләшмәсе исеменнән 90 яшьлек олуг юбилеегыз белән чын күңелдән тәбрик итәбез. Шул уңайдан күңел түреннән чыккан иң изге теләкләребезне юллыйбыз.

Сез киң күңелле, олы җанлы кеше! Сезнең кылган гамәлләрегезне, башкарган эшләрегезне берни белән дә үлчәп булмый. Гаиләгезгә, бала-оныкларыгызга, туганнарыгызга мәрхәмәт һәм игелек кылып, күркәм гомер кичерәсез. Үткән гомерегезнең һәр мизгелен иң кадерле ядкәр итеп саклыйсыз, якын кешеләрегезгә тормыш авырлыкларын җиңәргә, җиңелмәскә, горур булырга өйрәттегез. Күпне күргән, күпне кичергән мәрхәмәтле күңелегездән бүген дә изгелек, миһербанлык, нур бөркелеп тора.

Киләчәктә дә бәла-казалар күрмичә, сау-сәламәт булып, җан тынычлыгы белән, баларыгызның күңел җылысын тоеп, аларның игелеген күреп, сәламәтлектә-байлыкта, озын-озак итеп, бәхетле гомер кичерергә язсын.

Хөрмәтле Гөлсирә Минсәет кызы!

Чуашстан татарлары милли-мәдәни берләшмәсе исеменнән Комсомол муниципаль округы Тукай гомуми белем бирү мәктәбенең хезмәт ветераны, татар теле укытучысы Шайдуллина Гөлсирә Минсәет кызын 70 яшьлек юбилее белән чын күңелдән котлыйбыз!

Матур да, мәгънәле дә бу юбилей: 70 яшь – озын гомер, бай тәҗрибә һәм ихтирамга лаек хезмәт еллары. Сезнең дәресләрегез, туган телгә һәм туган илгә мәхәббәт укучыларыгыз хәтерендә гомер буе сакланыр. Озын гомер юлыгызда балаларга акыл, белем һәм мәхәббәт бүләк иттегез. Сезнең сабырлыгыгыз, осталыгыгыз һәм фидакарь хезмәтегез өчен рәхмәтебез чиксез.

Сезгә нык сәламәтлек, чиксез бәхет, якыннарыгызның кадер-хөрмәте һәм күңел тынычлыгы телибез. Һәр көнегез шатлыклы булсын, күңелегез яшьлек уты белән янып торсын!

Тагын да күп еллар яшәгез! Сау-сәламәт, бәхетле булыгыз!

16 сентябрьдә Татар Согыты урта гомуми белем бирү мәктәбендә Бөтенроссия физкультура-спорт комплексы нормативларын үтәү өчен билгеләнгән заманча спорт мәйданчыгын ачу тантанасы узды.
Ул «Физик культура һәм массакүләм спортны үстерү» федераль проектын гамәлгә ашыру кысаларында төзелгән.
Яңа мәйданчык барлык кирәкле инвентарь белән җиһазландырылган һәм төрле яшь төркемнәрендәге укучыларның ГТО нормаларын тапшыру өчен билгеләнгән таләпләргә туры килә. Хәзер безнең егетләрнең көчлерәк, тизрәк һәм чыдамлырак булырга һәм яңа спорт үрләрен яуларга мөмкинлекләре тагын да күбрәк!
Тантаналы ачышта Батыр муниципаль округы администрациясе,чакырылган кунаклар,укытучылар укучылар һәм ата-аналар катнашты. Анда катнашучыларга сәламләү сүзләре белән Батыр муниципаль округы башлыгы вәкаләтләрен вакытлыча башкаручы Равил Фәрәхетдин улы Ямалетдинов, Чувашия Республикасы Табигый ресурслар һәм экология министрының беренче урынбасары Ольга Александрова, Чувашия Дәүләт Советына депутатлыкка кандидатлар: шәхси эшмәкәр Леонид Кузнецов һәм «Строймашсервис» җәмгыяте директоры Радимир Егоров, мәктәп директоры Козлова Флюра
чыгыш ясадылар. Спорт-ул хәрәкәт кенә түгел, ул бердәмлек, дуслык һәм үзара аңлашу теле. Мәйданчыкның илебездәге Халыклар бердәмлеге елында ачылуы аеруча истәлекле.
Бу проектны тормышка ашырырга ярдәм иткән һәркемгә рәхмәт! Сезнең ярдәм белән мәктәпнең яңа спорт тарихы барлыкка килде-һәм ул әле дәвам итәчәк!!!

🇷🇺 Геройлар — безнең янәшәдә!

Бүген без якташыбыз – Батыр муниципаль округы Шыгырдан авылында туган Ранис Кардоновның батырлык тарихын сөйләргә телибез.

Кечкенәдән үк ул көч һәм батырлык юлын сайлый. Туган авылы Шыгырданда көрәш белән шөгыльләнә башлый, яшүсмерләр арасында Россия чемпионы һәм дөнья чемпионатының бронза призеры була.

Аннары Росгвардиянең махсус бүлекчәсендә хезмәт итә. 2021 елда Ранис контракт төзеп, Сириядә хәрби бурычларын үти.

Махсус хәрби операциянең беренче көннәреннән үк ул үз бүлекчәсе белән Харьков, Луганск һәм Донецк юнәлешләрендә хәрби хәрәкәтләрдә катнаша. Штурм отделениесенең өлкән пулеметчысы буларак, көн саен 50 килограммлы йөкләнеш – пулемет, боекомплект һәм бронезащита белән уннарча километр юл үтә.

Аның отряды исәбендә дистәләгән азат ителгән торак пункт. Ранис җирле халыкның Россия хәрбиләрен шатланып каршы алуларын искә төшерә.

2024 елда Ранис өенә кайта. Батыр егет яңадан көрәшкә тотына – хәзер күнегүләр ясый һәм яңа ярышларга әзерләнә.

Сугышчан юл аның характерын чыныктырган, ә спортка кайту рух көченең тыныч тормышта да кирәклеген күрсәтә.

Ватанны саклауга баскан якташыбыз белән горурланабыз. Ул бүген дә үз эшенә тугры калып, алга бара.